చెన్నై హాట్ పప్స్ వారిచే దీపావళి పర్వదిన వేడుకలు : యజమానులు బాలరాజు,రమ్యలచే ప్రత్యేక పూజలు

మదనపల్లి రూరల్,మేజర్ న్యూస్ : పట్టణంలోని రింగ్ రోడ్డు నందు గల చెన్నై హాట్ పప్స్ వారిచే సోమవారం దీపావళి పండుగ వేడుకలు అంగరంగ వైభవంగా జరిగాయి.ఇందులో భాగంగా చెన్నై హాట్ పప్స్ యజమానులైన బాలరాజు,రమ్య,సతీష్,రత్నల ఆధ్వర్యంలో ప్రత్యేక పూజలు నిర్వహించి కస్టమర్లు,ప్రజలకు తాంబూళం అందజేశారు.ఈ సందర్భంగా వారు మాట్లాడుతూ భారతీయ సంస్కృతి,సాంప్రదాయాలకు పర్వదినాలు నిదర్శనమన్నారు.భారతదేశం సర్వమత సమ్మేళనమని,అన్ని రాష్ట్రాల వారు కలిసిమెలసి ముందుకు సాగడం ఆదర్శమన్నారు.ప్రతి ఏడాది మా హాట్ పప్స్ నందు దీపావళిని ఎంతో ఘనంగా జరుపుకుంటామని,అదే స్ఫూర్తితో ఈ ఏడాది పండుగను సాంప్రదాయబద్ధంగా నిర్వహించుకోవడం ఆనందంగా ఉందన్నారు.గత కొన్ని సంవత్సరాలుగా ప్రజలకు నాణ్యమైన,రుచికరమైన పప్స్,స్వీట్స్,సావరీస్ తక్కువ ధరలకే అందించి అందరి ఆదరాభిమానాలు చూరగొంటున్నామన్నారు.భవిష్యత్తులోను ప్రజలు,కస్టమర్ల ఆదరాభిమానాలు మాపై ఇలాగే కొనసాగాలని ఆకాంక్షించారు.మున్ముందు మంచి రుచికరమైన పప్స్,స్వీట్స్,వివిధ రకాల తినుబండారాలను అందించాలన్నదే మా దృఢ సంకల్పమన్నారు.

రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి