తెలుగుదేశం పార్టీలో చేరిన మజ్జిగ కేశవ యాదవ్ : సాదరంగా ఆహ్వానించిన ఎమ్మెల్యే జహా,ఛైర్మన్ శ్రీరామ్ చినబాబు

మదనపల్లి,మేజర్ న్యూస్ : మదనపల్లి మండలం,పెంచుపాడు పంచాయతీ గొల్లపల్లికి చెందిన వైఎస్సార్సీపీ సీనియర్ నాయకులు మజ్జిగ కేశవ యాదవ్ తెలుగుదేశం పార్టీలో చేరారు.ఎమ్మెల్యే షాజహాన్ బాషా,మదనపల్లి మునిసిపల్ ఛైర్మన్ శ్రీరామ్ కుమార్ (చినబాబు)ల సమక్షంలో టిడిపి తీర్థం పుచ్చుకోగా పార్టీ కండువాలు కప్పి సాదరంగా ఆహ్వానించారు.ఈ సందర్భంగా కేశవ యాదవ్ మాట్లాడుతూ ముఖ్యమంత్రి చంద్రబాబు నాయుడు పాలనా దక్షత,కూటమి ప్రభుత్వం అమలు చేస్తున్న సంక్షేమ పథకాల పట్ల ఆకర్షితుడునై తెలుగు దేశంలో చేరడం జరిగిందన్నారు.ఎమ్మెల్యే షాజహాన్ బాషా మదనపల్లి నియోజకవర్గాన్ని అభివృద్ధి పథంలో నడిపిస్తున్నారని ప్రశంసించారు.ఆయన ఆదేశాల మేరకు పనిచేసి కూటమి ప్రభుత్వం అమలు చేస్తున్న సంక్షేమ పథకాలను,టిడిపి కార్యక్రమాలను ప్రజల్లోకి విస్తృతంగా తీసుకెళ్తానన్నారు.అనంతరం ఎమ్మెల్యే మాట్లాడుతూ కేశవ యాదవ్ లాంటి బలమైన బీసీ నేత పార్టీలో చేరడం శుభసూచకమన్నారు.ఇటువంటి నాయకులు పార్టీలోకి రావడం అదనపు బలం చేకూరుతుందన్నారు.కష్టపడి పనిచేసే కార్యకర్తలకు టిడిపిలో సముచిత స్థానం ఉంటుందని ఆయన స్పష్టం చేశారు.

రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి