గంజాయి సిగరెట్ సేవించిన వ్యక్తిపై కేసు నమోదు.

సూర్య , నాగిరెడ్డిపేట్ ,గంజాయి సిగరెట్ సేవించిన యువకుడిపై నాగిరెడ్డిపేట పోలీసులు కేసు నమోదు నమోదు చేసినట్లు ఎస్సై భార్గవ్ గౌడ్ తెలిపారు. ఎస్సై తెలిపిన వివరాల ప్రకారం.. మండలంలోని తాండూరు గ్రామానికి చెందిన మేస్త్రీ సంగారెడ్డిపేట ప్రవీణ్ (27) అనే వ్యక్తి శుక్రవారం గంజాయి సిగరెట్ సేవిస్తున్నట్లు నమ్మదగిన సమాచారం మేరకు ఎస్సై తన సిబ్బందితో కలిసి తాండూరు గ్రామం చేరుకొని అతనిని విచారించగా గంజాయి సిగరెట్  సేవించినది వాస్తవమని నిందితుడు ఒప్పుకున్నట్లు ఎస్సై తెలిపారు. గంజాయి సిగరెట్ పై ఆరా తీయగా హైదరాబాదలో తమ బంధువుల శుభకార్యానికి వెళ్లినప్పుడు గుర్తుతెలియని వ్యక్తి గంజాయి సిగరెట్ ఇచ్చినట్లు నిందితుడు తెలిపాడన్నారు. ఈ ఘటనపై కేసు నమోదు చేసుకుని దర్యాప్తు చేపడుతున్నట్లు ఎస్సై భార్గవ్ గౌడ్ తెలిపారు..యువతతో పాటు ప్రజలందరూ గంజాయి, ఇతర మత్తు పదార్థాలకు దూరంగా ఉండాలని ఎస్సై భార్గవ్ గౌడ్ సూచించారు. మత్తు పదార్థాల వినియోగం ఆరోగ్యంతో పాటు కుటుంబ జీవితం, భవిష్యత్తుపై ప్రతికూల ప్రభావం చూపుతుందని పేర్కొన్నారు. ఇలాంటి చట్టవిరుద్ధ కార్యకలాపాలకు పాల్పడితే చట్టప్రకారం చర్యలు తీసుకుంటామని హెచ్చరించారు. గంజాయి అక్రమ వినియోగం లేదా సరఫరాకు సంబంధించిన సమాచారం తెలిస్తే వెంటనే పోలీసులకు తెలియజేయాలని ప్రజలకు విజ్ఞప్తి చేశారు.