నర్సాపురం అభివృద్ధికి ఎమ్మెల్యే హామీ

మూడు అభివృద్ధి పనులకు నిధుల మంజూరుకు భరోసా

రాజపేట:మండలంలోని నర్సాపురం గ్రామంలో మౌలిక వసతుల కల్పనకు నిధులు మంజూరు చేయాలని సర్పంచ్ ఎమ్మా శిరీష నాగరాజు ప్రభుత్వ విప్, ఆలేరు ఎమ్మెల్యే బీర్ల అయిలయ్యను కోరారు. నూతన గ్రామపంచాయతీ భవనం, ప్రభుత్వ పాఠశాలకు ప్రహరీ గోడ, ఎస్సీ కమ్యూనిటీ హాల్ నిర్మాణానికి నిధులు కేటాయించాలని వినతిపత్రం అందజేశారు. స్పందించిన ఎమ్మెల్యే సంబంధిత అధికారులతో మాట్లాడి త్వరలోనే పనులకు మంజూరు చేయిస్తానని హామీ ఇచ్చారు. గ్రామ అభివృద్ధికి సహకరిస్తానని భరోసా ఇవ్వడంతో సర్పంచ్ కృతజ్ఞతలు తెలిపారు. ఈ కార్యక్రమంలో స్థానిక నాయకులు తదితరులు పాల్గొన్నారు.