గిగ్ వర్కర్స్ ర్యాలీని ప్రారంభించిన రాహుల్ గాంధీ.. రాష్ట్రంలో గిగ్ వర్కర్స్ పాలసీకి శ్రీకారం

హైదరాబాద్: లోక్‌సభ ప్రతిపక్ష నాయకుడు రాహుల్ గాంధీ హైదరాబాద్‌లో పర్యటించారు. ఈ పర్యటనలో భాగంగా ఆయన హైటెక్స్ ముందున్న మాజీ ప్రధాని ఇందిరాగాంధీ విగ్రహానికి పూలమాలలు వేసి ఘనంగా నివాళులర్పించారు. అనంతరం గిగ్ వర్కర్స్ (డెలివరీ బాయ్స్, క్యాబ్ డ్రైవర్లు తదితర అసంఘటిత రంగ కార్మికులు) నిర్వహించిన భారీ ర్యాలీని రాహుల్ గాంధీ జెండా ఊపి ప్రారంభించారు.

తదనంతరం జరిగిన కార్యక్రమంలో రాహుల్ గాంధీ చేతుల మీదుగా 'గిగ్ వర్కర్స్ పాలసీ'ని అధికారికంగా ప్రారంభించారు. ఈ పాలసీ ప్రారంభంతో తెలంగాణ రాష్ట్రవ్యాప్తంగా గిగ్ వర్కర్స్ సంక్షేమ పథకం అమల్లోకి రానుంది. దీని ద్వారా రాష్ట్రంలోని లక్షలాది మంది గిగ్ కార్మికులకు సామాజిక భద్రత, ప్రమాద బీమాతో పాటు ఇతర సంక్షేమ ప్రయోజనాలు అందనున్నాయి.