ఘనంగా సీఎం రేవంత్ రెడ్డి జన్మదిన వేడుకలు పాల్గొన్న ఎమ్మెల్యే సంజీవరెడ్డి

తెలంగాణ రాష్ట్ర ముఖ్యమంత్రి, ప్రజా నాయకులు ఎనుముల రేవంత్ రెడ్డి జన్మదినాన్ని పురస్కరించుకొని నిజాంపేట్ మండల కేంద్రంలో ఆదివారం జన్మదిన వేడుకలు నిర్వహించారు. ఈ సందర్భంగా నారాయణఖేడ్ శాసనసభ్యులు డాక్టర్ పట్లోళ్ల సంజీవరెడ్డి కాంగ్రెస్ పార్టీ నాయకులు, కార్యకర్తలతో కలిసి కేక్ కట్ చేసి ముఖ్యమంత్రి కి జన్మదిన శుభాకాంక్షలు తెలియజేశారు. ఈ సందర్భంగా ఎమ్మెల్యే సంజీవరెడ్డి మాట్లాడుతూ ముఖ్యమంత్రి రేవంత్ రెడ్డి ఆయురారోగ్యాలతో, సుఖసంతోషాలతో నిండు నూరేళ్లు ప్రజలకు సేవలందించాలని, తెలంగాణ రాష్ట్రం అన్ని రంగాల్లో మరింత అభివృద్ధి సాధించాలని ఆకాంక్షించారు. ఈ కార్యక్రమంలో మండలానికి సంబంధించిన సర్పంచులు స్థానిక కాంగ్రెస్ పార్టీ నాయకులు, ప్రజాప్రతినిధులు, కార్యకర్తలు తదితరులు పాల్గొన్నారు.