ఎమ్మెల్యే కేపీ వివేకానంద్ చొరవతో ముగ్గురు నిరుపేదలకు ఎల్వోసీ మంజూరు

కుత్బుల్లాపూర్ మేజర్ న్యూస్ :అనారోగ్యంతో బాధపడుతూ మెరుగైన వైద్యం కోసం ఆర్థిక ఇబ్బందులు ఎదుర్కొంటున్న పేద కుటుంబాలకు ఎల్వోసీ  ద్వారా వైద్య సహాయం అందుతోంది. ఈ క్రమంలో కుత్బుల్లాపూర్ నియోజకవర్గంలోని వివిధ డివిజన్లకు చెందిన ముగ్గురు లబ్ధిదారులకు బీఆర్ఎస్ ఎల్పీ విప్, ఎమ్మెల్యే కేపీ వివేకానంద్ చొరవతో మంజూరైన ఎల్వోసీ పత్రాలను శనివారం చింతల్‌లోని ఎమ్మెల్యే కార్యాలయంలో బీఆర్ఎస్ నాయకులు లబ్ధిదారుల కుటుంబ సభ్యులకు అందజేశారు. ఈ సందర్భంగా బీఆర్ఎస్ నాయకులు మాట్లాడుతూ పేద ప్రజలకు మెరుగైన వైద్యం అందించాలనే లక్ష్యంతో ఎమ్మెల్యే కేపీ వివేకానంద్ నిరంతరం కృషి చేస్తున్నారని తెలిపారు. ఆర్థిక ఇబ్బందుల కారణంగా వైద్య సేవలకు దూరం కాకూడదనే ఉద్దేశంతో అర్హులైన వారికి ఎల్వోసీ ద్వారా ఆర్థిక భరోసా కల్పిస్తున్నట్లు పేర్కొన్నారు. అనారోగ్య సమస్యలతో బాధపడుతూ మెరుగైన వైద్యం అవసరమైన అర్హులైన ప్రతి ఒక్కరూ ఈ సదుపాయాన్ని సద్వినియోగం చేసుకోవాలని సూచించారు. ఎల్వోసీ మంజూరైన వారిలో 127వ రంగారెడ్డి నగర్ డివిజన్ గిరి నగర్‌కు చెందిన ఆఫ్రిన్ బేగంకు రూ.1.10 లక్షలు, 129వ సూరారం డివిజన్ సంజయ్ గాంధీ నగర్‌కు చెందిన రాగి పుష్పవతికి రూ.3.50 లక్షలు, కొంపల్లి సర్కిల్ దూలపల్లికి చెందిన షరీఫా బీ సయ్యద్ కు రూ.1 లక్ష ఎల్వోసీ మంజూరైంది. ఈ కార్యక్రమంలో మాజీ కార్పొరేటర్ మంత్రి సత్యనారాయణ, డివిజన్ అధ్యక్షులు పుప్పాల భాస్కర్, ఎర్వ శంకరయ్య, ప్రధాన కార్యదర్శులు సిద్ధిక్, సుధాకర్, సీనియర్ నాయకులు క్రాంతి యాదవ్, ఓంకార్ రెడ్డి, లక్ష్మణ్, నాగార్జున, చందు యాదవ్ తదితర బీఆర్ఎస్ నాయకులు పాల్గొన్నారు.