దసరా సందర్భంగా ఆందోల్‌లో ‘అలయ్ బలయ్’కు ఏర్పాట్లు.
.
సంగారెడ్డి, ; దసరా పండుగను పురస్కరించుకొని సోదరభావం, ఐక్యత, తెలంగాణ సంస్కృతి, సంప్రదాయాలను చాటిచెప్పే లక్ష్యంతో ఆందోల్ నియోజకవర్గంలో ‘అలయ్ బలయ్’ కార్యక్రమాన్ని నిర్వహించనున్నారు. వైద్య ఆరోగ్య శాఖ మంత్రి దామోదర్ రాజనర్సింహ ఆధ్వర్యంలో అక్టోబర్ 23వ తేదీ శుక్రవారం ఈ కార్యక్రమం జరగనుంది.సుల్తాన్‌పూర్‌లోని తాడ్ దాన్ పల్లి ఎక్స్ రోడ్ సమీపంలోని ఎంఎస్ ఫంక్షన్ హాల్‌లో ఉదయం 11 గంటల నుంచి కార్యక్రమం ప్రారంభం కానుంది. దసరా పండుగ నేపథ్యంలో నియోజకవర్గ ప్రజలు ఒకచోట చేరి ఆత్మీయంగా పలకరించుకోవడం, పరస్పర సోదరభావాన్ని పెంపొందించుకోవడం ఈ కార్యక్రమం ప్రధాన ఉద్దేశమని నిర్వాహకులు తెలిపారు.ఈ కార్యక్రమానికి ఆందోల్ నియోజకవర్గ ప్రజలు, ప్రజాప్రతినిధులు, నాయకులు, కార్యకర్తలు, అభిమానులు పెద్ద సంఖ్యలో హాజరై ‘అలయ్ బలయ్’ కార్యక్రమాన్ని విజయవంతం చేయాలని మంత్రి క్యాంపు కార్యాలయం కోరింది.
కార్యక్రమ వివరాలు:తేదీ:అక్టోబర్ 23, 2026, శుక్రవారం సమయం: ఉదయం 11 గంటల నుంచి
వేదిక:ఎంఎస్ ఫంక్షన్ హాల్, తాడ్ దాన్ పల్లి ఎక్స్ రోడ్, సుల్తాన్‌పూర్
