చందానగర్ లో ఘనంగా సద్దుల బతుకమ్మ సంబురాలు... పాల్గొన్న ఎమ్మెల్యే గాంధీ,మాజీ కార్పొరేటర్ మంజుల రఘునాథ్ రెడ్డి
శేరిలింగంపల్లి,మేజర్ న్యూస్ : తెలంగాణ సంస్కృతికి ప్రతీకగా నిలిచే పండుగ బతుకమ్మ పండుగ అని ఎమ్మెల్యే అరెకపూడి గాంధీ అన్నారు. బతుకమ్మ వేడుకలలో భాగంగా ఆదివారం రాత్రి చందానగర్ డివిజన్ పరిధిలోని గంగారం చెరువు వద్ద, తారా నగర్ ,శంకర్ నగర్ కాలనీ లలో ఎమ్మెల్యే గాంధీ తాజా మాజీ కార్పొరేటర్ మంజుల రఘునాథ్ రెడ్డితో కలిసి ముఖ్యఅతిథిగా పాల్గొని జ్యోతిప్రజ్వలన చేసి బతుకమ్మ వేడుకలను ఎమ్మెల్యే గాంధీ ప్రారంభించారు.ఈ మేరకు సద్దుల బతుకమ్మ వేడుకలు ఘనంగా జరిగాయి.
ఈ వేడుకలకు వేలాది మంది మహిళలు తీరొక్క పూలతో పేర్చిన బతుకమ్మలతో వచ్చి బతుకమ్మ పాటలు, ఆడపడుచుల ఆటలతో పరిసరాలు ఎంతో కోలాహలంగా మారాయి.ఈ సందర్బంగా ఎమ్మెల్యే గాంధీ మాట్లాడుతూ తెలంగాణ సంస్కృతి, సంప్రదాయాలకు నిలువెత్తు నిదర్శనమైన బతుకమ్మ పండుగ అన్నారు . మహిళలు, యువతులు, చిన్నారులు పట్టు వస్త్రాలు, నూతన వస్త్రాలతో సాంప్రదాయబద్దంగా తయారై తెలంగాణ ఆటపాటలతో బతుకమ్మ ఆడారు.
తీరొక్క పూలు, బంతి పూలతో సద్దుల బతుకమ్మను తయారు చేసి ప్రధాన కూడళ్ల వద్ద ఉంచి బతుకమ్మలకు ప్రత్యేక పూజలు చేశారు. తరతరాలుగా ఆడపడుచులు బతుకమ్మ ఎప్పుడు వస్తుందా అని ఎదురు చూస్తూ ఆనందంగా ఆడుకునే పండుగ. తెలంగాణ ఆడపడుచులకు ఎంతో ఇష్టమైన పండుగ బతుకమ్మ అని అన్నారు.ఈ కార్యక్రమంలో నాయకులు,కార్యకర్తలు మహిళ సోదరీమణులు తదితరులు పాల్గొన్నారు.
