విజయదశమి స్ఫూర్తితో ఎల్లంపేట అభివృద్ధికి కృషి చేస్తాం.. ప్రజలంతా సుఖసంతోషాలతో వర్ధిల్లాలి ఎల్లంపేట మున్సిపల్ చైర్మన్ లావుడియా శ్రీదేవి రమేష్

మేడ్చల్ ,మేజర్ న్యూస్: చెడుపై మంచి సాధించిన విజయానికి ప్రతీక విజయదశమి పండుగ అని ఎల్లంపేట మున్సిపల్ చైర్మన్ లావుడియా శ్రీదేవి రమేష్ అన్నారు. దసరా పండుగను పురస్కరించుకుని ఎల్లంపేట మున్సిపాలిటీ ప్రజలందరికీ ఆమె హృదయపూర్వక శుభాకాంక్షలు తెలిపారు. విజయదశమి ప్రతి ఒక్కరి జీవితాల్లో నూతన ఆశలు, ఆనందాలు, విజయాలను నింపాలని ఆకాంక్షించారు.అమ్మవారి కృపాకటాక్షాలతో ఎల్లంపేట మున్సిపాలిటీ ప్రజలందరూ ఆయురారోగ్యాలతో, అష్టైశ్వర్యాలతో, సుఖసంతోషాలతో వర్ధిల్లాలని ప్రార్థించారు. ప్రతి కుటుంబంలో సుఖశాంతులు వెల్లివిరియాలని, ప్రజల జీవితాల్లో ఆనందాలు నిండాలని కోరుకున్నారు. దసరా పండుగ ప్రజల్లో ఐక్యత, సోదరభావం, పరస్పర ప్రేమాభిమానాలను మరింత పెంపొందించాలని పేర్కొన్నారు. పండుగ స్ఫూర్తితో ప్రజలంతా కలిసిమెలిసి ఉంటూ సమాజ అభివృద్ధికి సహకరించాలని పిలుపునిచ్చారు.

ఎల్లంపేట అభివృద్ధే లక్ష్యం.. ప్రజల సంక్షేమమే ధ్యేయం:

ఎల్లంపేట మున్సిపాలిటీని అన్ని రంగాల్లో అభివృద్ధి పథంలో ముందుకు తీసుకెళ్లడమే తన లక్ష్యమని చైర్మన్ లావుడియా శ్రీదేవి రమేష్ స్పష్టం చేశారు. ప్రజలకు మెరుగైన మౌలిక వసతులు కల్పించడం, స్థానిక సమస్యలను పరిష్కరించడం, మున్సిపాలిటీలో అభివృద్ధి కార్యక్రమాలను వేగవంతం చేయడం వంటి అంశాలకు ప్రాధాన్యత ఇస్తానని తెలిపారు. ప్రజల అవసరాలు, ఆకాంక్షలకు అనుగుణంగా పనిచేస్తూ మున్సిపాలిటీ అభివృద్ధికి నిరంతరం కృషి చేస్తానని భరోసా ఇచ్చారు.ప్రజల సహకారంతో ఎల్లంపేటను మరింత అభివృద్ధి చెందిన మున్సిపాలిటీగా తీర్చిదిద్దేందుకు కృషి చేస్తానని పేర్కొన్నారు. ఈ విజయదశమి ప్రతి ఇంటా సంతోషాలు నింపాలని, ప్రజలందరికీ శుభం కలగాలని ఆకాంక్షిస్తూ ఎల్లంపేట మున్సిపాలిటీ ప్రజలకు మరోసారి దసరా శుభాకాంక్షలు తెలిపారు.

రిపోర్టర్: తలారి శివకుమార్, మేడ్చల్.