అల్లాపూర్ డివిజన్‌లో బతుకమ్మ సంబురాలు మాజీ కార్పొరేటర్ సబిహాగౌసుద్దీన్‌
అల్లాపూర్, మేజర్‌న్యూస్‌ :అల్లాపూర్ 116వ డివిజన్‌లో మాజీ కార్పొరేటర్ సబీహా గౌసుద్దీన్ రాజీవ్ గాంధీ నగర్, లక్ష్మీ నగర్, జనప్రియ నగర్, రామారావు నగర్, తులసి నగర్ బస్తీలలో సద్దుల బతుకమ్మ పండుగ సందర్భంగా మహిళా సోదరీమణులతో కలిసి బతుకమ్మ వేడుకల్లో పాల్గొన్నారు.
ఈ సందర్భంగా మాజీ కార్పొరేటర్ సబీహా గౌసుద్దీన్ మాట్లాడుతూ, తెలంగాణ రాష్ట్రం ఏర్పడిన తర్వాత బతుకమ్మ పండుగకు మరింత ప్రాధాన్యత పెరిగిందని, మాజీ సిఎం కేసీఆర్ బతుకమ్మ పండుగకు పునర్వైభవం తీసుకొచ్చారని తెలిపారు.
తెలంగాణలో అతిపెద్ద పండుగలలో బతుకమ్మ పండుగ ఒకటని, ఈ పండుగ సందర్భంగా మహిళలు వివిధ రకాల పూలను పేర్చి బతుకమ్మలను తయారు చేసి, ఆటపాటలతో సంతోషంగా సంబరాలు జరుపుకోవాలని కోరారు. ప్రతి ఒక్కరి జీవితాలు బాగుండాలని, ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. ఈ కార్యక్రమంలో డివిజన్ అధ్యక్షులు ఐలయ్య, బంగారు, కొండల రెడ్డి, పిల్లి తిరుపతి, జగన్, రవీందర్ రెడ్డి, మధు, బాబా, శ్రీనివాస్ రెడ్డి, సత్యం, రాజు చారి, లక్ష్మి, అమ్ములు, రామలక్ష్మి, సత్యమ్మ తదితరులు పాల్గొన్నారు
