కడప వైఎస్ఆర్ కాంగ్రెస్ పార్టీ మేయర్ అభ్యర్థి బండి దీప్తి ఇంటి పై దాడి

వైసీపీ మేయర్ అభ్యర్థి బండి దీప్తి ఇంటిపై దాడితో కడపలో కలకలం.

 కడప నగరంలో మంగళవారం తెల్లవారుజామున కడప మేయర్ స్థానానికి పోటీ చేస్తున్న వైయస్సార్ కాంగ్రెస్ పార్టీ అభ్యర్థి బండి దీప్తి ఇంటిపై  గుర్తు తెలియని వ్యక్తులు కర్రలతో, రాళ్లతో, బీరు సీసాలను ఇంటిలోకి విసిరేయడంతో ఇంటి అద్దాలు కిటికీలు ధ్వంసం అయ్యాయి.  శబ్దాలకు ఉలిక్కిపడి లేచిన బండి దీప్తి వెంటనే పోలీసులకు సమాచారం అందించడంతో పోలీసులు అక్కడికి చేరుకున్నారు. పరిస్థితిని పోలీసులు ఆరా తీశారు. సందర్భంగా మేయర్ అభ్యర్థి బండి దీప్తి మాట్లాడుతూ నామినేషన్ పరిశీలన పూర్తయిన వెంటనే ఇలాంటి చర్యలకు పాల్పడడం భయభ్రాంతులకు గురి చేస్తే ప్రచారాలకు వెళ్లకుండా అడ్డుకోవడం లాంటి కార్యక్రమం అని అన్నారు. ఇలాంటి దౌర్జన్య పాలన కొనసాగించి అభ్యర్థులను బరిలో లేకుండా చేయాలని ఉద్దేశంతోనే కూటమి నాయకులు చేస్తున్నారని ఆమె ఆరోపించారు.

నంబర్ ప్లేట్లు లేని స్కార్పియోలో 

ఆరుగురు వ్యక్తులతో  వచ్చినట్లు సమాచారం ఉందన్నారు. ఎన్నికలు అయిపోయేంతవరకు పోలీసులు తమకు రక్షణ కల్పించాలని బండి దీప్తి కోరారు.దాడికి పాల్పడింది ఎవరు పోలీసుల విచారణ చేపట్టి నిజానిజాలు తేల్చాలని ఆమె కోరారు.

 కడప, ప్రతినిధి, వేణు.