ప్రజలకు పీఏసీ చైర్మన్ ,ఎమ్మెల్యే గాంధీ దసరా శుభాకాంక్షలు

శేరిలింగంపల్లి,మేజర్ న్యూస్ : శేరిలింగంపల్లి నియోజకవర్గం ప్రజలకు పీఏసీ చైర్మన్ ,ఎమ్మెల్యే అరెకపూడి  గాంధీ దసరా శుభాకాంక్షలు తెలిపారు.ఈ సందర్బంగా ఆయన మాట్లాడుతూ ధర్మ స్థాపన కు నిదర్శనంగా, విజయాలు అందించే విజయ దశమిగా దసరా పండుగను  దేశవ్యాప్తంగా జరుపుకుంటారని ఎమ్మెల్యే గాంధీ  అన్నారు. దసరా రోజున శుభసూచకంగా పాలపిట్టను దర్శించి పవిత్రమైన జమ్మి చెట్టుకు పూజలు చేసే సంప్రదాయం గొప్పదన్నారు. జమ్మి ఆకును బంగారంలా భావించి పంచుకొంటూ, పెద్దల ఆశీర్వాదాలను అందుకుంటూ, అలయ్ బలయ్ తీసుకొంటూ ప్రేమాభిమానాలను చాటుకోవడం దసరా పండుగ ప్రత్యేకత అని పీఏసీ చైర్మన్ గాంధీ  పేర్కొన్నారు. విజయానికి సంకేతం దసరా నాడు తలపెట్టిన కార్యాలన్నీ ఫలించాలని ఎమ్మెల్యే  అరెకపూడి గాంధీప్రార్థించారు. విజయ దశమి స్ఫూర్తిని కొనసాగిస్తామన్నారు. ప్రజలందరూ సుఖశాంతులతో వర్ధిల్లాలని దసరా సందర్భంగా పీఏసీ చైర్మన్,ఎమ్మెల్యే  గాంధీ  కోరుకున్నారు.