భారతీయ శాస్త్రీయ కళలను ప్రోత్సహించాలి

                                 మహిషాసురమర్ధిని నృత్య రూపక ప్రదర్శనలో డాక్టర్ ఏనుగు నరసింహారెడ్డి

రవీంద్ర భారతి, మేజర్ న్యూస్ 7: భారతీయ శాస్త్రీయ కళలు, నృత్య సంప్రదాయాలను ప్రోత్సహించాలని తెలంగాణ భాషా సాంస్కృతి శాఖ సంచాలకుడు ఐఏఎస్ అధికారి డాక్టర్ ఏనుగు నరసింహారెడ్డి అన్నారు. తెలంగాణ భాషా సాంస్కృతి శాఖ సౌజన్యంతో “నాట్య గాన సమ్మోహనం” పేరిట మహిషాసురమర్ధిని నృత్య రూపక ప్రదర్శన రవీంద్రభారతిలో నిర్వహించారు. కార్యక్రమానికి ముఖ్య అతిథిగా ఏనుగు నరసింహారెడ్డి పాల్గొని జ్యోతి ప్రజ్వలన చేసి కార్యక్రమాన్ని ప్రారంభించారు. ఈ సందర్భంగా ఆయన మాట్లాడుతూ.. భారతీయ సంప్రదాయ కళారూపాల వైభవాన్ని చాటుతూ..కళాకారుల ప్రతిభను వెలుగులోకి తీసుకురావడానికి చేస్తున్న ప్రయత్నం అభినందనీయమన్నారు. ఈ సందర్భంగా నాట్య గురువులు డాక్టర్ రాధా మోహన్, మోహన్ మేకల శిష్యలు దుర్గాదేవి మహిషాసురుడిని సంహరించిన ఘట్టాన్ని ప్రతిబింబించే నృత్య ప్రదర్శనను భక్తి, శక్తి, వీరత్వం, నృత్య వైభవాన్ని అద్భుతంగా ఆవిష్కరించారు. కార్యక్రమంలో సినీ నిర్మాత శివలింకా కృష్ణ ప్రసాద్ , సింగ్ సంగీత దర్శకుడు పార్థసారధి, ముదిగొండ అమర్నాథ శర్మ, విజయ్ కుమార్ , నిర్వాహకులు, శ్రీపతి సేవా సమితి మేనేజింగ్ ట్రస్టీ రవిశంకర్ తదితరులు పాల్గొన్నారు.