అర్హులైన పేదలకు పెన్షన్లే ఆర్థిక భరోసా

అర్హులైన పేదలకు పెన్షన్లే ఆర్థిక భరోసా
- ఎమ్మెల్యే కూనంనేని
-నియోజకవర్గంలో 3,928 పెన్షన్లు మంజూరు

కొత్తగూడెం ఆర్ సీ, సూర్య(మేజర్ న్యూస్)- అర్హులైన నిరుపేదలకు సామాజిక భద్రత పెన్షన్లు ఎంతో ఆర్థిక భరోసానిస్తాయని కొత్తగూడెం ఎమ్మెల్యే కూనంనేని సాంబశివరావు అన్నారు.బుధవారం కొత్తగూడెం క్లబ్‌లో చుంచుపల్లి, లక్ష్మీదేవిపల్లి మండలాలకు చెందిన వితంతువులు, దివ్యాంగులు, ఒంటరి మహిళలకు చేయూత పెన్షన్ల ప్రొసీడింగ్ పత్రాలను ఎమ్మెల్యే అందజేశారు.ఈ సందర్భంగా ఆయన మాట్లాడుతూ, నియోజకవర్గ వ్యాప్తంగా మొత్తం *3,928* మందికి కొత్తగా పెన్షన్లు మంజూరయ్యాయని తెలిపారు.మండలాల వారీగాకొత్తగూడెం పట్టణం: 1,185, పాల్వంచ పట్టణం: 919,చుంచుపల్లి: 562, లక్ష్మీదేవిపల్లి: 566, పాల్వంచ మండలం: 468,
సుజాతనగర్: 228 పెన్షన్లు మంజూరు అయ్యాయని తెలిపారు.నియోజకవర్గంలో 30 వేల మంది అర్హులుగా గుర్తించామని, వారికి విడతలవారీగా పెన్షన్లు మంజూరు చేస్తామని చెప్పారు. సాంకేతిక కారణాలతో ఆగిన పెన్షన్లను కూడా త్వరలో మంజూరు చేయిస్తామని హామీ ఇచ్చారు.ఈ కార్యక్రమంలో డీఆర్డీవో పీడీ విద్యాచందన, ఆర్డీవో మధు, సీపీఐ జిల్లా కార్యదర్శి ఎస్‌కే సాబీర్ పాషా, మేయర్ మూడ్ గణేష్, అధికారులు, ప్రజాప్రతినిధులు పాల్గొన్నారు.