ఆమనగల్లు మార్కెట్ చైర్మన్ దళితులకు కేటాయించాలి

ఆమనగల్లు రంగారెడ్డి:

ఆమనగల్లు వ్యవసాయమార్కెట్ చైర్మన్ పదవిని దళితుల కేటాయించాలని  దళిత సంఘాల నాయకులు జంతుక జానయ్య,వసుపుల సాయిలు ప్రభుత్వాన్ని డిమాండ్ చేశాయి. శనివారం పట్టణంలోని ఎంపీడీవో కార్యాలయం ఆవరణలో ఉన్న భారత రాజ్యాంగ నిర్మాత డాక్టర్ బి.ఆర్ అంబేద్కర్ కు నివాళులర్పించి మాట్లాడుతూ రాష్ట్రంలో అన్ని రాజకీయ పార్టీలు దళితులను ఓటు బ్యాంకుగావినియోగించుకొని వారిని ముందుంచి పంచాయితీలు తీర్చుకొని మనుగడ సాగిస్తున్నారని వారు చెప్పారు. పదవుల కేటాయింపులు అణగారిన వర్గాలైన దళితులకు కేటాయించాలన్న ఆలోచన చేయకపోవడంవిచారకరమన్నారు. ఫలితంగా దళితుల అభ్యున్నతికి ఏ పార్టీ దోహదంచేయడం లేదని మండిపడ్డారు. గత మూడు దశాబ్దాలుగా కాంగ్రెస్ పార్టీని నమ్ముకుని పార్టీ అభివృద్ధి కోసం నిరంతరం కృషి చేస్తున్న ఆమనగల్లు పట్టణానికి చెందిన వసుపుల జంగయ్య కు చైర్మన్ పదవికి ఇవ్వాలని వారు డిమాండ్ చేశారు. సార్వత్రిక ఎన్నికలలో నాగర్ కర్నూల్ ఎంపీ మల్లు రవి, కల్వకుర్తి ఎమ్మెల్యే కాశిరెడ్డి నారాయణరెడ్డి విజయానికి ఆయన అహర్నిశలు కృషిచేసిన ప్రస్తుతం వారు మౌనం పాటించడం విచారకరమన్నారు.ఇప్పటికైనా ఆమనగల్లు వ్యవసాయ మార్కెట్ చైర్మన్ పదవిని దళితులకుకేటాయించకుంటే రాష్ట్రవ్యాప్తంగా ఉద్యమాలు చేపట్టి పదవులు దక్కించుకుంటామని వారు హెచ్చరించారు. కార్యక్రమంలో ఎమ్మార్పీఎస్ నాయకులు మైసయ్య, మల్లేష్, అల్లాజి, సురేష్, టిల్లు, లక్ష్మణ్, పురుషోత్తం తదితరులు పాల్గొన్నారు. 

ఎ. చంద్రశేఖర్, మేజర్ న్యూస్.