telangana
51 మందికి చేయూత పింఛన్ల పంపిణీ
సూర్య జైనూర్ : జైనూర్ మేజర్ గ్రామపంచాయతీలో చేయూత పింఛన్ల పంపిణీ కార్యక్రమం నిర్వహించారు. గ్రామపంచాయతీ సర్పంచ్ కొడప ప్రకాష్ ఆధ్వర్యంలో జరిగిన ఈ కార్యక్రమంలో ఎంపీడీవో కృష్ణవేణి ముఖ్య అతిథిగా పాల్గొని 51 మంది లబ్ధిదారులకు చేయూత పింఛన్ల మంజూరు పత్రాలను అందజేశారు. ఈ సందర్భంగా సర్పంచ్ కొడప ప్రకాష్ మాట్లాడుతూ అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా కృషి చేస్తామని తెలిపారు. చేయూత పింఛన్లు వృద్ధులు, దివ్యాంగులు, ఇతర అర్హులైన వారికి ఆర్థిక భరోసా కల్పిస్తున్నాయని పేర్కొన్నారు. గ్రామంలో ప్రజా సమస్యల పరిష్కారానికి, అభివృద్ధి కార్యక్రమాల అమలుకు నిరంతరం కృషి చేస్తామని అన్నారు. ఈ కార్యక్రమంలో ఉపసర్పంచ్ ప్రకాష్, వార్డు సభ్యులు షఫీక్ అన్సారీ, రహీం,నాసిర్,బాపూరావు, మజర్ తదితరులు పాల్గొన్నారు.