వన్యప్రాణుల సంరక్షణపై అవగాహన ర్యాలీ

సూర్య,పెంచికల్‌పేట్:జాతీయ వన్యప్రాణి వారోత్సవాలను పురస్కరించుకుని పెంచికల్‌పేట్ అటవీ రేంజ్ పరిధిలో అటవీ శాఖ ఆధ్వర్యంలో వన్యప్రాణుల సంరక్షణపై అవగాహన కార్యక్రమాలు శుక్రవారం ఘనంగా ప్రారంభమయ్యాయి. నేటి నుండి 7వ తేదీ వరకు నిర్వహించనున్న వారోత్సవాల్లో భాగంగా ఎల్లూరు ఆశ్రమ పాఠశాల విద్యార్థులతో కలిసి ఎల్లూరు గ్రామం నుంచి ఎల్కపల్లి గ్రామం వరకు భారీ అవగాహన ర్యాలీ నిర్వహించారు.ఈ సందర్భంగా అటవీ శాఖ అధికారులు విద్యార్థులు, స్థానికులకు అడవులు, వన్యప్రాణుల ప్రాధాన్యతపై అవగాహన కల్పించారు. పర్యావరణ సమతుల్యతను కాపాడటంలో అడవులు, వన్యప్రాణులు కీలక పాత్ర పోషిస్తాయని వివరించారు. వన్యప్రాణుల సంరక్షణ ప్రతి ఒక్కరి బాధ్యత అని, అడవులను కాపాడుతూ మూగజీవుల రక్షణకు ప్రజలు సహకరించాలని పిలుపునిచ్చారు.ఈ కార్యక్రమంలో ఎఫ్‌ఆర్‌ఓ అనిల్‌కుమార్, డిప్యూటీ రేంజ్ అధికారి అస్మా, ఎఫ్‌ఎస్‌ఓలు అహ్మద్ అలీ, గోవింద్, ఎఫ్‌బీఓలు సతీష్, కళ్యాణ్, సంగదీప్, స్వర్ణలత, ఆశ్రమ పాఠశాల ఉపాధ్యాయులు రాజేష్, రాథోడ్ గోకుల్‌తో పాటు పెద్ద సంఖ్యలో విద్యార్థులు పాల్గొన్నారు.