వైద్యం, విద్య, గ్లోబల్ సమ్మిట్‌పై సీఎం రేవంత్‌‌రెడ్డి కీలక సమీక్ష: అధికారులకు దిశానిర్దేశం

హైదరాబాద్, సూర్య ప్రధాన ప్రతినిధి :తెలంగాణ ముఖ్యమంత్రి రేవంత్ రెడ్డి వైద్య ఆరోగ్య శాఖ, విద్యా రంగాలతో పాటు రాష్ట్రంలో నిర్వహించనున్న గ్లోబల్ సమ్మిట్ ఏర్పాట్లపై సీఎంఓ అధికారులతో ఉన్నత స్థాయి సమీక్ష నిర్వహించారు. ప్రజారోగ్యం, మౌలిక వసతులు మరియు అంతర్జాతీయ పెట్టుబడులే లక్ష్యంగా ఈ భేటీలో పలు కీలక ఆదేశాలు జారీ చేశారు.

నిర్మాణంలో ఉన్న ఎల్బీనగర్, అల్వాల్ టిమ్స్ (TIMS) ఆస్పత్రుల పనులను వేగవంతం చేయాలని సీఎం ఆదేశించారు. అలాగే వరంగల్ సూపర్‌‌ స్పెషాలిటీ ఆస్పత్రి, ఉస్మానియా నూతన ఆస్పత్రి నిర్మాణ పనులను త్వరగా పూర్తి చేయాలని ఆరా తీశారు. ఈ ఆస్పత్రుల నిర్మాణాలు పూర్తయ్యేలోపే అవసరమైన వైద్యులు, పారామెడికల్ సిబ్బంది నియామక ప్రక్రియను పూర్తి చేయాలని, నూతన వైద్య పరికరాల కొనుగోళ్లను వేగవంతం చేయాలని స్పష్టం చేశారు. మరోవైపు, వర్షాకాలం/సీజనల్ వ్యాధులు వ్యాపించకుండా క్షేత్రస్థాయిలో నిరంతరం పర్యవేక్షించాలని, కలెక్టర్లు స్వయంగా ఆస్పత్రులను సందర్శించాలని ఆదేశించారు. చివరగా, డిసెంబర్‌లో ఫ్యూచర్ సిటీ వేదికగా నిర్వహించనున్న 'గ్లోబల్ ఇన్వెస్టర్స్ సమ్మిట్' కోసం పక్కా ప్రణాళికలు సిద్ధం చేయాలని అధికారులకు సూచించారు.