తహసీల్దార్ పై వేటు: 'ఇంకా చనిపోలేదా' అని రైతును అవమానించినందుకు చర్యలు

సూర్య, సిద్దిపేట:భూ సమస్య పరిష్కారం కోసం వచ్చిన ఒక రైతుతో అత్యంత అనుచితంగా ప్రవర్తించి, తీవ్ర వ్యాఖ్యలు చేసిన గజ్వేల్ తహసీల్దార్ చిట్టంపల్లి స్వామిపై ఉన్నతాధికారులు సస్పెన్షన్ వేటు వేశారు. తన వద్దకు వచ్చిన రైతుతో సహనం కోల్పోయి "ఇంకా చనిపోలేదా?" అంటూ అవమానకరంగా మాట్లాడటం తీవ్ర కలకలం రేపింది. ఈ ఘటనకు సంబంధించిన వివరాలు సామాజిక మాధ్యమాలు, ప్రజా వర్గాల్లో తీవ్ర దుమారం రేపడంతో ఉన్నతాధికారులు వెంటనే స్పందించారు.

ఈ వ్యవహారంపై ఆర్డీవో (RDO) సమర్పించిన ప్రాథమిక నివేదికను పరిశీలించిన అనంతరం, తహసీల్దార్ స్వామిని సస్పెండ్ చేస్తూ ఉత్తర్వులు జారీ చేశారు. బాధ్యతాయుతమైన పదవిలో ఉండి ప్రజలతో, ముఖ్యంగా ఇబ్బందుల్లో ఉన్న రైతులతో ఇలా అసభ్యంగా, నిర్లక్ష్యంగా వ్యవహరించడం తీవ్ర తీవ్రమైన క్రమశిక్షణా రాహిత్యంగా పరిగణించారు. సస్పెన్షన్ కాలంలో అధికారుల అనుమతి లేకుండా హెడ్ క్వార్టర్స్ (ముఖ్య కేంద్రం) విడిచి వెళ్లరాదని ఉత్తర్వుల్లో స్పష్టంగా ఆదేశించారు.