వచ్చే నెలలో కల్లూరు గూడెం పామాయిల్ ఫ్యాక్టరీ ప్రారంభోత్సవం... ముఖ్యమంత్రి రేవంత్ రెడ్డి చేతుల మీదుగా ప్రారంభోత్సవానికి ఏర్పాట్లు ముమ్మరం

--వచ్చే నెలలో కల్లూరు గూడెం పామాయిల్ ఫ్యాక్టరీ ప్రారంభోత్సవం...
---రాష్ట్ర ముఖ్యమంత్రి రేవంత్ రెడ్డి  చేతుల మీదుగా ప్రారంభోత్సవం

---కల్లూరు గూడెం పామాయిల్ ఫ్యాక్టరీ నిర్మాణపు పనులను పరిశీలించిన మంత్రి తుమ్మల 
---మంత్రి తుమ్మల తో పాటు స్థానిక శాసన సభ్యురాలు డాక్టర్ మట్టా రాగమై దయానంద్ మరియు రాష్ట్ర కాంగ్రెస్ నాయకుడు డాక్టర్ మట్టా దయానంద్ విజయ్ కుమార్
ఖమ్మం (సూర్య బ్యూరో):

సత్తుపల్లి నియోజకవర్గ పరిధిలోని వేంసూర్ మండల పరిధిలోని కల్లూరు గూడెం పామాయిల్ ఫ్యాక్టరీ పనులను రాష్ట్ర వ్యవసాయ శాఖ మంత్రి తుమ్మల నాగేశ్వరరావు పరిశీలించారు. ఈ కార్యక్రమంలో మంత్రి తుమ్మల తో పాటు స్థానిక శాసన సభ్యురాలు డాక్టర్ మట్టా రాగమయి దయానంద్ రాష్ట్ర కాంగ్రెస్ నాయకులు డాక్టర్ మట్టా దయానంద్ విజయ్ కుమార్ తో పాటు ఆయిల్ ఫెడ్ అధికారులు పాల్గొన్నారు. ఈ సందర్భంగా మంత్రి తుమ్మల ఆయిల్ ఫెడ్ అధికారులతో సమావేశం నిర్వహించి పలు కీలక సూచనలు చేశారు. వచ్చే నెలలో రాష్ట్ర ముఖ్యమంత్రి రేవంత్ రెడ్డి  చేతుల మీదుగా ఈ ఫ్యాక్టరీ ప్రారంభోత్సవo చేయాలనే ఆలోచనతో ఉన్నామని, అందుకు అనుగుణంగా పనులు వేగవంతం చేసి ఈ నెల చివరకల్లా ఫ్యాక్టరీ నిర్మాణపు పనులు పూర్తి అయ్యేవిధంగా చర్యలు తీసుకోవాలని మంత్రి తుమ్మల కీలక ఆదేశాలు జారీ చేశారు.