ఏపీ రాజకీయాలలో లెజెండరీ లీడర్ పెద్దిరెడ్డి

- ఎమ్మెల్యే,మంత్రిగా ఏపీ అభివృద్ధికి ఆయన సేవలు అమోఘం
- వైకాపా రాష్ట్ర మైనార్టీ కార్యదర్శి ఎస్.ఏ కరీముల్లా ప్రశంసలు
మదనపల్లె,మేజర్ న్యూస్ : ఏపీ రాజకీయాలలో మాజీ మంత్రి,పుంగనూరు ఎమ్మెల్యే పెద్దిరెడ్డి రామచంద్రా రెడ్డి ఓ లెజెండరీ లీడర్ అని వైకాపా రాష్ట్ర మైనార్టీ కార్యదర్శి ఎస్.ఏ కరీముల్లా పేర్కొన్నారు.ఆదివారం 21వ వార్డులోని వైకాపా కార్యాలయంలో పెద్దిరెడ్డి జన్మదిన వేడుకలు అట్టహాసంగా జరిగాయి.ఎస్.ఏ.కరీముల్లా,మాజీ కౌన్సిలర్ షేక్ షబానా ఆధ్వర్యంలో కేక్ కట్ చేసి తమ అభిమాన నేతకు శుభాకాంక్షలు తెలిపారు.ఈ వేడుకలకు స్టేట్ ఇరిగేషన్ కార్పొరేషన్ స్టేట్ డైరెక్టర్ దండాల రవిచంద్రా రెడ్డి,ఎస్.ఇబ్రహీం (హాజీ),రఫీ,రమాదేవి తదితలు హాజరయ్యారు.ఈ సందర్భంగా ఎస్.ఏ.కరీముల్లా,దండాల రవిచంద్రా రెడ్డిలు మాట్లాడుతూ రాజకీయాలలో పెద్దిరెడ్డి రామచంద్రా రెడ్డి సుదీర్ఘంగా ప్రజాసేవలు అందిస్తున్నారన్నారు.ఉమ్మడి చిత్తూరు జిల్లాల్లో ఓటమి ఎరుగని నాయకుడుగా చరిత్ర సృష్టించారని కొనియాడారు.ఎమ్మెల్యేగా,మంత్రిగా ఆంధ్రప్రదేశ్ అభివృద్ధిలో క్రియాశీలక పాత్ర పోషించారన్నారు.మాజీ ముఖ్యమంత్రి స్వర్గీయ వై.ఎస్ రాజశేఖర్ రెడ్డి ఆయన తనయుడు మాజీ ముఖ్యమంత్రి వై.ఎస్ జగన్మోహన్ రెడ్డిలతో ఆయనది ప్రత్యేక అనుబంధమన్నారు.నిరంతరం ప్రజాశ్రేయస్సుకై పరితపించే మాజీ మంత్రి పెద్దిరెడ్డి ఇలాంటి పుట్టినరోజు వేడుకలు మరెన్నో జరుపుకోవాలని,భవిష్యత్తులో ఉన్నత పదవులు అలంకరించాలని ఆకాంక్షించారు.ఈ కార్యక్రమంలో వైసీపీ కార్యకార్తలు,వార్డు ప్రజలు అధికసంఖ్యలో పాల్గొన్నారు.

రిపోర్టర్ : కె.ఈశ్వర్ రెడ్డి,మదనపల్లె నియోజకవర్గం ఇంచార్జి