రాబోవు స్థానిక సంస్థల ఎన్నికలపై అధికారులకు జిల్లా ఎస్పీ ధీరజ్ కునుబిల్లి ఐపీఎస్,. దిశానిర్దేశం.*

అన్నమయ్య జిల్లా - మదనపల్లె

*రాబోవు స్థానిక సంస్థల ఎన్నికలపై అధికారులకు జిల్లా ఎస్పీ  ధీరజ్ కునుబిల్లి ఐపీఎస్,. దిశానిర్దేశం.*

మదనపల్లె, అక్టోబర్ 11: అన్నమయ్య జిల్లాలో రాబోయే స్థానిక సంస్థల ఎన్నికలను ప్రశాంత వాతావరణంలో నిర్వహించేందుకు *జిల్లా ఎస్పీ ధీరజ్ కునుబిల్లి, ఐపీఎస్,..* అన్ని స్థాయిల పోలీస్ అధికారులతో వీడియో కాన్ఫరెన్స్ ద్వారా సమీక్ష నిర్వహించారు. ఎన్నికల ప్రక్రియ ఎలాంటి అవాంతరాలు లేకుండా జరిగేందుకు ఆయన అధికారులకు పలు కీలక ఆదేశాలు జారీ చేశారు.

ఎన్నికల నోటిఫికేషన్ వెలువడినప్పటి నుండి ప్రక్రియ ముగిసే వరకు కట్టుదిట్టమైన భద్రత కల్పించాలి. రెవెన్యూ, మున్సిపల్ అధికారులతో కలిసి పోలింగ్ కేంద్రాలను తప్పనిసరిగా తనిఖీ చేయాలి.

సమస్యాత్మక కేంద్రాలను ముందుగానే గుర్తించాలి. పాత నేరస్థులు, గొడవలు సృష్టించే వారిని తక్షణమే బైండోవర్ చేయాలి. అసాంఘిక శక్తులను అరికట్టేందుకు ముమ్మరంగా 'కార్డన్ అండ్ సెర్చ్' ఆపరేషన్లు నిర్వహించాలి.

అక్రమాలను అరికట్టేందుకు చెక్ పోస్టులు ఏర్పాటు చేయాలి. సీసీ కెమెరాలు, డ్రోన్ల ద్వారా పర్యవేక్షిస్తూ, ప్రత్యేక కమాండ్ కంట్రోల్ సెంటర్ నుండి పరిస్థితిని ఎప్పటికప్పుడు సమీక్షించాలి.

సోషల్ మీడియాలో తప్పుడు ప్రచారాలు (ఫేక్ న్యూస్) చేసే వారిని గుర్తించి, వారిపై తక్షణమే కఠిన చర్యలు తీసుకోవాలి.

ఓటర్లు నిర్భయంగా ఓటు వేసేలా పోలీసులు గ్రామాల్లో పర్యటనలు, 'పల్లెనిద్ర' వంటి కార్యక్రమాలు చేపట్టి వారిలో ధైర్యం నింపాలి.

జిల్లాలో లైసెన్స్ కలిగిన తుపాకులు, ఇతర ఆయుధాలు ఉన్నవారిని వెంటనే గుర్తించి, వాటిని పోలీసు స్టేషన్లలో డిపాజిట్ చేయించాలి.

ఓటర్లు ఎలాంటి ప్రలోభాలకు లొంగకుండా, ఎవరి బెదిరింపులకు భయపడకుండా తమ ఓటు హక్కును స్వేచ్ఛగా వినియోగించుకోవాలని జిల్లా ఎస్పీ గారు ఈ సందర్భంగా ప్రజలకు విజ్ఞప్తి చేశారు.

 పి గౌరీ శంకర్ స్టాప్ రిపోర్టర్ తంబళ్లపల్లె