కళ్యాణదుర్గంలో వైసీపీలోకి చేరికలు మాజీ ఎంపీ తలారి రంగయ్య సమక్షంలో వైసీపీలో చేరిన టీడీపీ నేత రోషన్

అనంతపురం బ్యూరో : రాబోయే స్థానిక సంస్థల ఎన్నికలే లక్ష్యంగా కళ్యాణదుర్గం నియోజకవర్గంలో వైఎస్సార్ కాంగ్రెస్ పార్టీ శ్రేణులు సమాయత్తమవుతున్నాయి. ఈ క్రమంలో మాజీ ఎంపీ, వైసీపీ నియోజకవర్గ సమన్వయకర్త తలారి రంగయ్య సమక్షంలో టీడీపీ ముఖ్య నాయకుడు రోషన్‌తో పాటు రెవెన్యూ కాలనీకి చెందిన పలువురు కుటుంబాలు వైసీపీలో చేరాయి. వీరికి పార్టీ కండువాలు కప్పి సాదరంగా ఆహ్వానించారు.

ఈ సందర్భంగా రోషన్ మాట్లాడుతూ, వైఎస్ జగన్ మోహన్ రెడ్డి, తలారి రంగయ్య నాయకత్వంపై నమ్మకంతో వైసీపీలో చేరినట్లు తెలిపారు. కళ్యాణదుర్గం మున్సిపాలిటీ, ముస్లిం మైనార్టీల సమస్యల పట్ల కూటమి ప్రభుత్వం నిర్లక్ష్యంగా వ్యవహరిస్తోందని ఆరోపిస్తూ టీడీపీకి రాజీనామా చేసినట్లు పేర్కొన్నారు. రాబోయే స్థానిక సంస్థల ఎన్నికల్లో వైసీపీ అభ్యర్థుల విజయానికి కృషి చేస్తానని వెల్లడించారు.

ఈ కార్యక్రమంలో మున్సిపాలిటీ అబ్జర్వర్ సోమనాథ్ రెడ్డి, లీగల్ సెల్ జిల్లా ఉపాధ్యక్షుడు హనుమంత రెడ్డి, జిల్లా కార్యదర్శి ఎర్రంపల్లి కృష్ణమూర్తి, మండల కన్వీనర్లు గోళ్ల సూరి, పాలబండ్ల చంద్రశేఖర్ రెడ్డి, ఎంఎస్ హనుమంత రాయుడు తదితరులు పాల్గొన్నారు.

రిపోర్టర్ : సుధా మోహన్, కళ్యాణదుర్గం ఇన్చార్జ్, కళ్యాణదుర్గం.