telanagana
శ్రీ సంఘమిత్ర పాఠశాలలో... ఘనంగా బతుకమ్మ సంబరాలు
రాజేంద్రనగర్ సర్కిల్‌ హైదర్షాకోట్ డివిజన్‌లోని శ్రీ సంఘమిత్ర పాఠశాలలో బతుకమ్మ సంబరాలను ఘనంగా నిర్వహించారు. విద్యార్థులకు తెలంగాణ సంస్కృతి, సంప్రదాయాల గొప్పతనాన్ని తెలియజేసే ఉద్దేశంతో పూలతో బతుకమ్మలను పేర్చి వేడుకలు జరిపారు. ఈ కార్యక్రమానికి నార్సింగి మార్కెటింగ్ కమిటీ డైరెక్టర్ తలారి ప్రేమ్ కుమార్ ముఖ్య అతిథిగా హాజరయ్యారు. పాఠశాల కరస్పాండెంట్ సుబ్బారెడ్డి, ఉపాధ్యాయులు, విద్యార్థులు, తల్లిదండ్రులు పాల్గొన్నారు. ఈ సందర్భంగా సుబ్బారెడ్డి మాట్లాడుతూ.. విద్యతోపాటు విద్యార్థుల్లో సాంస్కృతిక విలువలను పెంపొందించేందుకు ప్రత్యేక ప్రాధాన్యం ఇస్తున్నామని తెలిపారు.
గండిపేట్ మేజర్ న్యూస్ (అక్టోబర్ 10)
