శాకాంబరీశ్వరుడిగా దర్శనమిచ్చిన సిద్ధి గణపతి వైభవంగా వినాయక చవితి వార్షిక బ్రహ్మోత్సవాలు

శాకాంబరీశ్వరుడిగా దర్శనమిచ్చిన సిద్ధి గణపతి
వైభవంగా వినాయక చవితి వార్షిక బ్రహ్మోత్సవాలు
పటాన్‌చెరు: వినాయక చవితి వార్షిక బ్రహ్మోత్సవాల్లో భాగంగా పటాన్‌చెరు ప్రాంతంలోని శ్రీ గణేష్ గడ్డ సిద్ధి గణపతి స్వామివారు పదో రోజు భక్తులకు శాకాంబరీశ్వరుడిగా దర్శనమిచ్చారు. వివిధ రకాల కూరగాయలు, పండ్లు, ఆకుకూరలు, పుష్పాలతో స్వామివారిని అత్యంత సుందరంగా అలంకరించారు.
శాకాంబరీ అలంకరణలో కొలువుదీరిన సిద్ధి గణపతిని దర్శించుకునేందుకు భక్తులు పెద్ద సంఖ్యలో తరలివచ్చారు. ఆలయ ప్రాంగణంలో ప్రత్యేక పూజలు, అర్చనలు నిర్వహించి భక్తులకు తీర్థప్రసాదాలు అందజేశారు. స్వామివారి దర్శనంతో ఆలయ పరిసరాలు భక్తిశ్రద్ధలతో సందడిగా మారాయి.
శాకాంబరీ దేవి రూపం ప్రకృతి, పంటలు, కూరగాయలు, పండ్ల సమృద్ధికి ప్రతీకగా భావించబడుతుందని ఆలయ నిర్వాహకులు తెలిపారు. ప్రజలందరూ ఆయురారోగ్యాలతో, సుఖసంతోషాలతో ఉండాలని, పాడిపంటలు సమృద్ధిగా పండాలని ప్రత్యేక ప్రార్థనలు నిర్వహించారు.భక్తులు భక్తిశ్రద్ధలతో స్వామివారిని దర్శించుకుని ప్రత్యేక పూజల్లో పాల్గొన్నారు.