గౌడవల్లిలో డిజిటల్ రేషన్ స్మార్ట్ కార్డుల పంపిణీ

అర్హులైన ప్రతి ఒక్కరికీ కార్డు అందేలా చర్యలు

మేడ్చల్, మేజర్ న్యూస్ (సెప్టెంబర్ 23): 
గౌడవల్లి గ్రామంలో నూతన డిజిటల్ రేషన్ స్మార్ట్ కార్డుల పంపిణీ కార్యక్రమాన్ని బుధవారం నిర్వహించారు. పౌరసరఫరాల శాఖ అధికారి అభిషేక్, రేషన్ డీలర్ కైరంకొండ శ్రీనివాస్ సమక్షంలో అర్హులైన లబ్ధిదారులకు స్మార్ట్ కార్డులను అందజేశారు.ఈ కార్యక్రమంలో మాజీ సర్పంచ్, గుండ్లపోచంపల్లి డివిజన్ కాంగ్రెస్ అధ్యక్షుడు గరిసెల సురేందర్ ముదిరాజ్, జిల్లా ఓబీసీ సెల్ అధ్యక్షుడు రవి ముదిరాజ్ తదితరులు పాల్గొని లబ్ధిదారులకు కార్డులను పంపిణీ చేశారు. ప్రభుత్వం అందిస్తున్న డిజిటల్ రేషన్ స్మార్ట్ కార్డుల ద్వారా అర్హులైన కుటుంబాలకు రేషన్ సేవలు మరింత సులభతరం కానున్నాయని వారు తెలిపారు.అర్హత ఉన్న ప్రతి కుటుంబానికి రేషన్ స్మార్ట్ కార్డు అందేలా చర్యలు తీసుకుంటామని పేర్కొన్నారు. కార్యక్రమంలో స్థానిక నాయకులు, రేషన్ లబ్ధిదారులు తదితరులు పాల్గొన్నారు.