వేల్పూర్ మండలంలో డీజేల జోరు.. జనం బేజారు

సూర్య వేల్పూరు 

నిజామాబాద్ జిల్లా వేల్పూర్ మండలంలోని పలు గ్రామాల్లో గణేష్ నిమజ్జన కార్యక్రమాల సందర్భంగా డీజేల శబ్దం అధికంగా వినిపించడంతో ప్రజలు ఇబ్బందులు ఎదుర్కొంటున్నారు. పగలు, రాత్రి అనే తేడా లేకుండా పెద్ద శబ్దంతో డీజేలు ఏర్పాటు చేయడంతో వృద్ధులు, చిన్నారులు, అనారోగ్యంతో ఉన్నవారు ఇబ్బందులు పడుతున్నారని స్థానికులు ఆవేదన వ్యక్తం చేస్తున్నారు.నిబంధనలకు విరుద్ధంగా అధిక శబ్దంతో డీజేలు నిర్వహించకుండా అధికారులు, పోలీసులు చర్యలు తీసుకోవాలని ప్రజలు కోరుతున్నారు. పండుగల సమయంలో ఉత్సాహంతో పాటు ఇతరులకు ఇబ్బంది కలగకుండా శబ్ద నియంత్రణ పాటించాలని స్థానికులు విజ్ఞప్తి చేస్తున్నారు.