telanagana
షాద్ నగర్ లో కలకలం
- యువకుడు బలవన్మరణం.!
- చెట్టుకు వేలాడిన శవం
రంగారెడ్డి జిల్లా షాద్నగర్ పట్టణంలోని పరిగి రోడ్డుపై ఓ వ్యక్తి చెట్టుకు ఉరివేసుకున్న స్థితిలో మృతిచెందిన ఘటన కలకలం రేపింది. రోడ్డు పక్కనే జనసంచారం ఉన్న ప్రాంతంలో చెట్టుకు మృతదేహం వేలాడుతూ కనిపించడంతో అటుగా వెళ్తున్న ప్రజలు భయాందోళనకు గురయ్యారు. సమాచారం తెలుసుకున్న స్థానికులు పెద్ద సంఖ్యలో అక్కడికి చేరుకుని మృతదేహాన్ని పరిశీలించారు. మృతి చెందిన వ్యక్తి ఎవరు, ఏ ప్రాంతానికి చెందినవారు అనే వివరాలు ఇంకా తెలియరాలేదు. ఘటన అనుమానాస్పదంగా ఉండటంతో ఈ మరణానికి సంబంధించిన పూర్తి వివరాలు పోలీసుల దర్యాప్తులో తేలాల్సి ఉంది. ఘటనపై పోలీసులు స్పందించి మృతుడి వివరాలను గుర్తించడంతో పాటు, మరణానికి దారితీసిన పరిస్థితులపై విచారణ చేపట్టాల్సి ఉంది. - రిపోర్టర్ జవ్వోజి రాఘవేందర్
