రాష్ట్ర ఉత్తమ ఉపాధ్యాయుడికి ఘన సన్మానం

 సూర్య పెద్దపల్లి ప్రతినిధి 

 రాష్ట్ర ఉత్తమ ఉపాధ్యాయుడిగా అవార్డు అందుకున్న అంతర్గాం మండలం పొట్యాల ఉన్నత పాఠశాల గణిత ఉపాధ్యాయుడు గద్దె శ్రీనివాస్‌ను జిల్లా విద్యాధికారి కార్యాలయంలో ఘనంగా సన్మానించారు. డీఈవో జి. శారద శాలువాతో సత్కరించి అభినందనలు తెలిపారు.ఈ సందర్భంగా ఆమె మాట్లాడుతూ పెద్దపల్లి జిల్లా నుంచి రాష్ట్ర ఉత్తమ ఉపాధ్యాయుడిగా శ్రీనివాస్ ఎంపిక కావడం గర్వకారణమన్నారు. ఆయన సేవలు ఇతర ఉపాధ్యాయులకు స్ఫూర్తిదాయకమని పేర్కొన్నారు. అనంతరం ఎంఈవోలు, సెక్టోరియల్ అధికారులు, విద్యాశాఖ సిబ్బంది శ్రీనివాస్‌ను అభినందించారు. తనను సత్కరించిన అధికారులకు ఆయన కృతజ్ఞతలు తెలిపారు.