ఆర్డిఓ మున్సిపల్ వార్డు సెక్రటరీలు పంచాయతీ సెక్రటరీతో సమీక్ష సమావేశం సమావేశం

తాడేపల్లిగూడెం మున్సిపాలిటీ 48 వార్డులుగా విభజన

తాడేపల్లిగూడెం, మేజర్ న్యూస్; తాడేపల్లిగూడెం మున్సిపాలిటీలో విలీనమైన ఐదు గ్రామాలతో 2021 సంవత్సరం లో సిద్ధం చేసిన ఓటర్ల జాబితా ఆధారంగా విభజించిన 40 వార్డులను, జనవరి 2026 ఓటర్ల జాబితా ఆధారంగా 48 వార్డులుగా పునర్విజించేందుకు  అధికారులు ఆదేశాలు జారీ చేసినట్లు తాడేపల్లిగూడెం  రెవిన్యూ డివిజనల్ అధికారి ఎం సూర్యారావు చెప్పారు. బుధవారం స్థానిక మున్సిపల్ కార్యాలయంలో మున్సిపల్ వార్డు మరియు పంచాయతీ సెక్రెటరీ లతో సమీక్ష సమావేశం నిర్వహించారు. ఈ సందర్భంగా ఆర్డీవో సూర్యారావు మాట్లాడుతూ ఒక్కొక్క వార్డు 2510 ఓటర్లు చొప్పున 10 శాతం కట్ ఆఫ్ అయినా సుమారుగా ఓటర్ల జాబితాను సవరించి నివేదికను త్వరిగా సిద్ధం చేయాలని ఆర్డీవో సూర్యారావు వార్డు సెక్రటరీ, పంచాయతీ సెక్రటరీలను ఆదేశించారు. వార్డు సరిహద్దులు సక్రమంగా గుర్తించి విభజన ప్రక్రియ పూర్తి చేయాలని ఆయన అన్నారు. ప్రభుత్వ గైడ్లైన్స్ ప్రకారం ఎటువంటి ఇబ్బంది లేకుండా అవసరమైతే రాజకీయ పార్టీ లీడర్స్ సలహాలు సూచనలు తీసుకుని వార్డుల  ఫైనల్ లిస్టు సిద్ధం చేయాలని ఆర్డీవో సూర్యారావు తెలిపారు. మున్సిపల్ కమిషనర్ ఎం ఏసుబాబు మాట్లాడుతూ  మున్సిపాలిటీఎన్నికలు జరిపేందుకు ప్రభుత్వం నిర్ణయం తీసుకునందున దానిలో తాడేపల్లిగూడెం మున్సిపాలిటీ కూడా ఉన్నందున వేగవంతంగా మున్సిపల్ వార్డులు జాబితాను వార్డులు వారీగా వివరాలు సిద్ధం చేయాలని అధికారులు ఆదేశించారని, తాడేపల్లిగూడెం మండలంలో కుంచనపల్లి, ఎల్లగ్రహారం, పడాల, ప్రత్తిపాడు, కోండ్ర ప్రోలు 5 గ్రామాలు తాడేపల్లిగూడెం మున్సిపాలిటీ లో విలీనం చేయడం వలన 48వార్డులు గా విభజించి అధికారులు కు మొదటి విడతగా నివేదిక పంపినట్లు కమిషనర్ ఏసుబాబు తెలిపారు. ఈ కార్యక్రమం లో అసిస్టెంట్ కమిషనర్ భవాని బాబు, అసిస్టెంట్ సిటీ ప్లానర్ జి సీతారాం, మున్సిపల్ వార్డు సెక్రటరీలు పంచాయతీ సెక్రెటరీ ఈ కార్యక్రమంలో పాల్గొన్నారు.

 రిపోర్టర్ శ్రీనివాస్ తాడేపల్లిగూడెం పశ్చిమ గోదావరి జిల్లా