సూర్య రాజంపేట:రాజంపేట మండలంలోని ఎల్లారెడ్డిపల్లి తాండాలో వీబీజీ రామ్ పథకం కింద చేపడుతున్న సోక్‌పిట్‌లు, ఫార్మ్ పాండ్స్ పనులను ఎంపీడీవో బి. సూర్యాజీ రావు పరిశీలించారు. అనంతరం ఫేజ్‌-2లో మంజూరైన ఇందిరమ్మ ఇళ్ల లబ్ధిదారులకు మంజూరు పత్రాలు అందజేశారు. ఎల్లారెడ్డిపల్లి తాండాలో డెంగ్యూ, విషజ్వరాల నివారణకు పారిశుధ్య కార్యక్రమాలు నిర్వహించి, పరిసరాలను పరిశుభ్రంగా ఉంచుకోవాలని ప్రజలకు సూచించారు. పనులకు కూలీలను సమీకరించి సహకరిస్తున్న ఎల్లాపుర తాండా సర్పంచ్ దరవత్ రాజును సన్మానించారు. ఈ కార్యక్రమంలో సర్పంచ్‌లు లలిత బన్సీలాల్, దరవత్ రాజు, పంచాయతీ కార్యదర్శులు చంద్రశేఖర్, శ్రీకన్య తదితరులు పాల్గొన్నారు.
