ప్రజలంతా సుఖసంతోషాలతో, ఆయురారోగ్యాలతో ఉండాలి

• మున్సిపల్ చైర్ పర్సన్ బండారి అనుష సతీష్

 సూర్య, ఆదిలాబాద్ : ప్రజలంతా సుఖసంతోషాలతో, ఆయురారోగ్యాలతో ఉండాలని అమ్మవారిని ప్రార్థించినట్లు మున్సిపల్‌ చైర్‌పర్సన్‌ బండారి అనూష సతీష్‌ తెలిపారు. ఆదివారం పట్టణంలోని గణేష్‌ టెంపుల్‌లో భక్తిశ్రద్ధలతో అమ్మవారి మాల ధరించి దీక్ష స్వీకరించిన సందర్భంగా ఆమె మాట్లాడారు. ప్రతి కుటుంబంలో ఆనందం, ఆరోగ్యం, ఐశ్వర్యం వెల్లివిరియాలని, ఆదిలాబాద్‌ పట్టణం అన్ని రంగాల్లో అభివృద్ధి చెందాలని అమ్మవారిని కోరుకున్నట్లు పేర్కొన్నారు. ప్రజలు తనకు సేవ చేసే అవకాశం కల్పించారని, వారి నమ్మకాన్ని నిలబెట్టుకుంటూ పట్టణ ప్రజల సంక్షేమం, అభివృద్ధి కోసం మరింత అంకితభావంతో పనిచేస్తానని తెలిపారు. ప్రజలందరిపై అమ్మవారి కృపాకటాక్షాలు ఉండాలని ఆకాంక్షించారు.