ప్రజలకు మెరుగైన అంతరాయం లేకుండా విద్యుత్

రేపల్లె, మేజర్ న్యూస్;
ప్రజలకు మెరుగైన విద్యుత్తును, అంతరాయం లేకుండా ఇవ్వాలనే లక్ష్యంతో ప్రభుత్వం చర్యలు తీసుకుంటుందని రాష్ట్ర విద్యుత్ శాఖ మంత్రి గొట్టిపాటి రవికుమార్ తెలిపారు. ఆదివారం పట్టణంలోని పలు అభివృద్ధి కార్యక్రమాలను సహచర మంత్రులు ఇన్చార్జి మంత్రి కొలుసు పార్థసారథి, రెవిన్యూ శాఖ మంత్రి అనగానీి సత్యప్రసాద్ ల తో కలిసి ప్రారంభించారు అనంతరం మంత్రి గొట్టిపాటి మాట్లాడుతూ రు.56.76 కోట్లతో 27 కిలోమీటర్ల మేర హైలెవెల్ టవర్స్ తో విద్యుత్తు లైన్లో ఏర్పాటు చేస్తున్నామన్నారు. గత ఏడాది వరద సమయంలో రేపల్లె నియోజకవర్గం ప్రజలు ఇబ్బందులు పడ్డారని, సీఎం దృష్టికి తీసుకెళ్లగానే తక్షణమే మంజూరు చేశారన్నారు. ప్రజలకు మేలు చేయడానికి కూటమి ప్రభుత్వం పని చేస్తుందన్నారు. కూటమి ప్రభుత్వ పాలనలో విద్యుత్ బిల్లులలో ఒక రూపాయి పెంచలేదన్నారు. విద్యుత్ చాలక పోయినప్పటికీ బయటనుంచి కొనుగోలు చేస్తున్నామన్నారు. ప్రజలు ఇబ్బందులు పడకూడదని రాష్ట్ర ప్రభుత్వం చిత్తశుద్ధితో పనిచేస్తుందన్నారు. సబ్ స్టేషన్, 132 కెవి సబ్ స్టేషన్ రేపల్లెలో నియోజకవర్గంలో ఏర్పాటు చేస్తున్నామన్నారు. వ్యవసాయానికి విద్యుత్ సరఫరాలో ఇబ్బందులు ఉన్నాయని చెప్పడంతో వాటిని పరిష్కరించే దిశగా అడుగులు ముందుకు వేస్తున్నామన్నారు. రూ.56 కోట్లతో హై లెవెల్ విద్యుత్ టవర్లు, లైన్లు ఏర్పాటు చేయడం సంతోషదాయకమన్నారు. ఎలాంటి అంతరాయం లేకుండా విద్యుత్తు సరఫరా చేయడానికి అభివృద్ధి కార్యక్రమాలు చేపట్టడం ఆనందంగా ఉందన్నారుఈ కార్యక్రమంలో మాజీమంత్రి మోపిదేవి వెంకటరమణ, వివిధ శాఖల అధికారులు, కూటమి నాయకులు, తదితరులు పాల్గొన్నారు.