పట్టభద్రులారా మేల్కొనండి, ఎమ్మెల్సీ ఓటరుగా నమోదు చేసుకోండి : బీజేపీ జిల్లా నాయకులు సోమ శేఖర్ గౌడ్, మండల మాజీ అధ్యక్షులు శ్రీనివాసులు

కృష్ణ , సూర్య న్యూస్ :

ప్రజాస్వామ్యాన్ని మరింత బలోపేతం చేయడానికి అర్హులైన ప్రతి ఒక్క పట్టభద్రుడు ఎమ్మెల్సీ ఓటరుగా నమోదు చేసుకుని తమ ఓటు హక్కును వినియోగించుకోవాలని బీజేపీ జిల్లా నాయకులు సోమ శేఖర్ గౌడ్, మండల మాజీ అధ్యక్షులు శ్రీనివాసులు సోమవారం ఓ ప్రకటనలో పేర్కొన్నారు 

ఈ సందర్భంగా వారు మాట్లాడుతూ మహబూబ్‌నగర్ – రంగారెడ్డి – హైదరాబాద్ పట్టభద్రుల ఎమ్మెల్సీ నియోజకవర్గానికి సంబంధించి అర్హులైన ప్రతి ఒక్క గ్రాడ్యుయేట్ ఓటరుగా నమోదు కావాలన్నారు. ఓటు అనేది కేవలం హక్కు మాత్రమే కాదని అది సమాజం పట్ల మనకున్న బాధ్యత అన్నారు.ముఖ్యంగా ప్రజల సమస్యలు, ఆకాంక్షలు, అభిప్రాయాలను శాసనమండలిలో సమర్థవంతంగా ప్రతిబింబించే సరైన ప్రతినిధులను ఎన్నుకునే అవకాశాన్ని ఓటు హక్కు మనకు అందిస్తుందని తెలిపారు. డిగ్రీ పూర్తిచేసిన యువత, మేధావులు, తెలంగాణ ఉద్యమకారులు, ఉపాధ్యాయులు మరియు ఉద్యోగులు తప్పనిసరిగా ఓటరుగా తమ పేరు నమోదు చేసుకోని ఎన్నికల ప్రక్రియలో భాగస్వాములు కావాలని వారు తెలిపారు. ముఖ్యంగా  ఎమ్మెల్సీ ఓటరు నమోదుకు కావలసిన పత్రాలు

ఫారం–18,డిగ్రీ లేదా గ్రాడ్యుయేషన్ సర్టిఫికెట్ / మార్కుల మెమో ,ఆధార్ కార్డు , ఓటర్ ఐడీ కార్డు,పాస్‌పోర్ట్ సైజ్ ఫోటో ఇతర ప్రామాణిక గుర్తింపు పత్రాలతో దరఖాస్తు చేసుకోవాలన్నారు. దరఖాస్తు ప్రక్రియ పూర్తయిన అనంతరం, అధికారిక ఓటరు జాబితాలో తమ పేరు సరిగ్గా నమోదు అయ్యిందో లేదో ప్రతి ఒక్కరూ తప్పకుండా పరిశీలించుకోవాలని బీజేపీ జిల్లా నాయకులు సోమ శేఖర్ గౌడ్, మండల మాజీ అధ్యక్షులు శ్రీనివాసులు ఈ సందర్భంగా తెలిపారు.

*---నర్సిములు,సూర్య రిపోర్టర్ కృష్ణ మండలం*