ఏకగ్రీవంగా వాంకిడి ప్రెస్ క్లబ్‌కు కొత్త కార్యవర్గం

సూర్య, వాంకిడి :

 వాంకిడి మండల ప్రెస్ క్లబ్ నూతన కార్యవర్గాన్ని సోమవారం ఏకగ్రీవంగా ఎన్నుకున్నారు. ప్రెస్ క్లబ్ అధ్యక్షుడిగా రామగిరి రాంబాబు, గౌరవ అధ్యక్షుడిగా పెరుగు జయంత్ కుమార్ ఎన్నికయ్యారు. ఉపాధ్యక్షులుగా ఎండీ రహిత్ పాషా, అల్లోజు రవీంద్ర ప్రసాద్ చారి, ప్రధాన కార్యదర్శిగా ఉప్రే దిలీప్ కుమార్, సంయుక్త కార్యదర్శిగా ఎన్. మినేష్ కుమార్, కోశాధికారిగా దుర్గం రాకేష్, ప్రచార కార్యదర్శిగా చాప్లే చేతన్ శర్మ ఎన్నికయ్యారు. సలహాదారులుగా దుర్గం సునీల్ కుమార్, వెంకటేశ్వర్ రావులను ఎన్నుకున్నారు. ఈ సందర్భంగా నూతన అధ్యక్షుడు రామగిరి రాంబాబు మాట్లాడుతూ ప్రెస్ క్లబ్‌ను మరింత బలోపేతం చేయడంతో పాటు జర్నలిస్టుల సమస్యల పరిష్కారానికి సమష్టిగా కృషి చేస్తామని తెలిపారు. జర్నలిస్టుల హక్కులు, సంక్షేమం కోసం అందరినీ కలుపుకుని ముందుకు సాగుతామని పేర్కొన్నారు.