స్మార్టు కిచెన్‌కు రూ 32 లక్షలు కార్పొరేటు సోషల్ రెస్పాన్సిబిలిటీ (CSR ) విరాళం
దీపక్ నెక్ట్జన్( Deepak Nextgen) యండి శ్రీ అడుసుమిల్లి వెంకట సుబ్రహ్మణ్యం ఆధ్వర్యంలో సహకారం అభినందనీయం
మరిన్ని కార్పొరేటు సంస్థలు ముందుకు రావాలని జిల్లా కలెక్టరు కె.వెట్రిసెల్వి పిలుపునిచ్చారు
ఏలూరు,: జిల్లా కలెక్టరేటు గోదావరి సమావేశ మందిరంలో సోమవారం జిల్లాలో ప్రతిష్ఠాత్మకంగా డొక్కా సీతమ్మ మధ్యాహ్నం భోజన పథకం కింద చేపట్టిన స్మార్ట్ కిచెన్ కార్యక్రమానికి సామాజిక బాధ్యతలో భాగంగా దీపక్ నెక్ట్జన్( Deepak Nextgen) యండి ఏ.వి. సుబ్రహ్మణ్యం ఆధ్వర్యంలో రూ 32 లక్షలు విరాళ చెక్కును జిల్లా కలెక్టరు కె.వెట్రిసెల్వి స్వీకరించారు.ఈ సందర్భంగా జిల్లా కలెక్టరు కె.వెట్రిసెల్వి మాట్లాడుతూ జిల్లాలో ప్రజలకు, ముఖ్యంగా విద్యార్థులకు మరియు సంబంధిత వర్గాలకు మెరుగైన సేవలు అందించే లక్ష్యంతో ప్రభుత్వం చేపడుతున్న వినూత్న కార్యక్రమాలకు కార్పొరేటు సంస్థలు తమ CSR నిధులు ద్వారా సహకరించడం శుభపరిణామం అన్నారు. జిల్లాలో దెందులూరులో ప్రతిష్ఠాత్మకంగా అమలు చేస్తున్న డొక్కా సీతమ్మ మధ్యాహ్నం భోజనం పథకం కింద స్మార్టు కిచెన్ కార్యక్రమం ద్వారా అవసరమైన మౌళిక సదుపాయాలను మరింత మెరుగుపరచడం, వంటశాలలు నిర్వహణలో ఆధునిక సాంకేతికతను వినియోగించడం జరుగుతుందని తెలిపారు. పరిశుభ్రతతో కూడిన వంటలు ప్రక్రియను ప్రోత్సహించడం, అలాగే నాణ్యమైన ఆహారాన్ని అందించేలా అవసరమైన సౌకర్యాలను అభివృద్ధి చేయడం వంటి అంశాలకు ప్రాధాన్యతను ఇవ్వనున్నామని తెలిపారు.స్మార్టు కిచెన్ వంటి ప్రజోపయోగ కార్యక్రమాలు అమలుకు ప్రభుత్వ యంత్రాంగంతో పాటు ప్రైవేటు సంస్థలు, పారిశ్రామిక వర్గాలు, దాతలు మరియు వివిధ సంస్థలు CSR ద్వారా భాగస్వాములు కావడం వల్ల కార్యక్రమాలు మరింత విస్తృతంగా జరుగుతాయని పేర్కొన్నారు. సమాజానికి తిరిగి సేవ చేయాలనే బాధ్యతతో Deepak Nextgen సంస్థ అందించిన రూ 32 లక్షలు సహకారం ఈ కార్యక్రమానికి మరింత ఊతమివ్వనుందని అన్నారు. ఈ సందర్భంగా CSR నిధులను ప్రజోపయోగ కార్యక్రమాలకు అందిస్తూ ప్రభుత్వ అభివృద్ధి కార్యక్రమాల్లో భాగస్వామ్యం అవుతున్న Deepak Nextgen సంస్థను అభినందించారు. భవిష్యత్తులో కూడా ఇలాంటి సామాజిక ప్రయోజన కార్యక్రమాలకు కార్పొరేటు సంస్థలు సహకారం మరింత కొనసాగాలని, మరిన్ని కార్పొరేటటు సంస్థలు ముందుకు రావాలని జిల్లా కలెక్టరు పిలుపునిచ్చారు.ఈ కార్యక్రమంలో జిల్లా జాయింటు కలెక్టరు డా.యం.జె.అభిషేక్ గౌడ, ఇంచార్జి జిల్లా రెవిన్యూ అధికారి యం.ముక్కంటి, విజిలెన్స్ డిప్యూటీ కలెక్టరు యల్.దేవకీదేవి, దీపక్ నెక్ట్జన్ డైరెక్టరు శ్రీ చైతన్య , జిల్లా సిఎస్ఆర్ ఇంచార్జి, జిల్లా స్కిల్ నైపుణ్యాభివృద్ధి సంస్థ జిల్లా అధికారి యన్.జితేంద్రబాబు, ఎడ్యుకేషన్ డిపార్ట్‌మెంటు ఏడి వెంకటప్పయ్య, తదితర జిల్లా అధికారులు పాల్గొన్నారు.
