పట్టాదారుల స్థలాలను త్వరగా క్రమబద్ధీకరించాలి

పట్టాదారుల స్థలాలను త్వరగా క్రమబద్ధీకరించాలి
-కాంగ్రెస్ నాయకులు హరిపంతులు రాధాకృష్ణ
-కాటా శ్రీనివాస్ గౌడ్‌కు పట్టాదారుల వినతి

పటాన్‌చెరు,ముత్తంగి గ్రామంలోని సర్వే నంబర్‌ 389లో ఉన్న పట్టాదారుల స్థలాలను త్వరగా క్రమబద్ధీకరించి న్యాయం చేయాలని కాంగ్రెస్ నాయకులు హరిపంతులు రాధాకృష్ణ కోరారు.ఈ మేరకు గురువారం సుమారు 100 మంది పట్టాదారులతో కలిసి పటాన్‌చెరు నియోజకవర్గ కాంగ్రెస్ పార్టీ ఇన్‌చార్జ్ కాటా శ్రీనివాస్ గౌడ్ కు వినతిపత్రం అందజేశారు.ఈ సందర్భంగా రాధాకృష్ణ మాట్లాడుతూ.. సర్వే నంబర్‌ 389 పరిధిలోని పట్టాదారుల సమస్యను ప్రభుత్వం,సంబంధిత అధికారుల దృష్టికి తీసుకెళ్లి త్వరగా పరిష్కరించాలని కోరారు.సానుకూలంగా స్పందించిన కాటా శ్రీనివాస్ గౌడ్ సమస్యను ప్రభుత్వం, అధికారుల దృష్టికి తీసుకెళ్లి పరిష్కారానికి కృషి చేస్తానని హామీ ఇచ్చారు. కార్యక్రమంలో స్థానిక కాంగ్రెస్ నాయకులు, పట్టాదారులు పాల్గొన్నారు.