పాదయాత్రగా పోచమ్మ చెంతకు దుర్గామాత మాలధారణ స్వాములు

సూర్య, సారంగాపూర్ :సారంగాపూర్ మండలం మలక్ చించోలి  దుర్గామాత మాలధారణ స్వాములు,మహిళలు గ్రామస్థులు,గురువారం రోజు భక్తిశ్రద్ధలతో పోచమ్మ తల్లి దర్శనానికి పాదయాత్రగా బయలుదేరారు.అమ్మవారి నామస్మరణ చేస్తూ,భక్తి పాటలు ఆలపిస్తూ, భారీ సంఖ్యలో,స్వాములు, గ్రామస్థులు పాదయాత్రలో పాల్గొన్నారు.అమ్మవారి ఆశీస్సులు గ్రామ ప్రజలందరిపై ఉండాలని,ప్రజలు ఆయురారోగ్యాలతో, సుఖసంతోషాలతో జీవించాలని స్వాములు,గ్రామస్థులు ప్రార్థించారు.భక్తిశ్రద్ధలతో సాగిన ఈ పాదయాత్రతో గ్రామంలో ఆధ్యాత్మిక వాతావరణం నెలకొంది.