ఆధ్యాత్మికతతో మానసిక ప్రశాంతత... బిఆర్ఎస్ యువనేత వై రవీందర్ యాదవ్

*ఆధ్యాత్మికతతో మానసిక ప్రశాంతత* 

*బిఆర్ఎస్ యువనేత, కేశంపేట మాజీ ఎంపీపి వై రవీందర్ యాదవ్* 

*కోట మైసమ్మ ఆలయంలో మాజీ ఎంపీపీ రవీందర్ యాదవ్ ప్రత్యేక పూజలు*

*సరస్వతి దేవి అవతారంలో దర్శనమిచ్చిన అమ్మవారు*

*నియోజకవర్గ ప్రజలకు ముందస్తు దసరా శుభాకాంక్షలు*

ప్రతి ఒక్కరు ఆధ్యాత్మికతను పెంచుకోవడం ద్వారా మానసిక ప్రశాంతత పొందడమే కాక దేవుని కృపా కటాక్షాలు పొందిన వారు అవుతారని బిఆర్ఎస్ యువనేత, కేశంపేట మాజి ఎంపిపి వై రవీందర్ యాదవ్ అన్నారు. శరన్నవరాత్రి మహోత్సవాలను పురస్కరించుకొని షాద్ నగర్ పట్టణంలోని రైతు కాలనీలోని ప్రసిద్ధ కోట మైసమ్మ ఆలయంలో శుక్రవారం వేడుకలు వైభవంగా జరిగాయి. నవరాత్రి ఉత్సవాల్లో భాగంగా ఈరోజు అమ్మవారు జ్ఞానప్రదాయిని అయిన శ్రీ సరస్వతి దేవి అవతారంలో భక్తులకు దర్శనమిచ్చారు. ఈ సందర్భంగా బిఆర్ఎస్ యువనేత, కేశంపేట మాజీ ఎంపీపీ వై. రవీందర్ యాదవ్ ఆలయాన్ని సందర్శించి అమ్మవారికి ప్రత్యేక పూజలు నిర్వహించారు. అర్చకుల వేదమంత్రోచ్ఛారణల మధ్య ఆయన అమ్మవారికి భక్తిశ్రద్ధలతో కుంకుమార్చన పూజలు జరిపారు. అనంతరం ఆలయ కమిటీ సభ్యులు ఆయనకు తీర్థప్రసాదాలు అందజేసి, శాలువాతో ఘనంగా సత్కరించారు. ఈ సందర్భంగా మాజీ ఎంపీపీ రవీందర్ యాదవ్ మాట్లాడుతూ.. నియోజకవర్గ ప్రజలందరికీ ముందస్తు దసరా పండుగ శుభాకాంక్షలు తెలియజేశారు. ఆ జగన్మాత దయాకటాక్షాల వల్ల ప్రజలంతా ఎలాంటి ఇబ్బందులు లేకుండా, సుఖసంతోషాలు, ఆయురారోగ్యాలు అష్టైశ్వర్యాలతో విరాజిల్లాలని ఆయన ఆకాంక్షించారు. ఈ కార్యక్రమంలో ఆలయ కమిటీ ప్రతినిధులు, బిఆర్ఎస్ నాయకులు, కాలనీవాసులు  పెద్ద సంఖ్యలో భక్తులు పాల్గొన్నారు.

జవాజి రాఘవేందర్ గౌడ్, మేజర్ న్యూస్ షాద్ నగర్.