ఓట్ల చోరీకి నిరసనగా సిరిసిల్ల కలెక్టరేట్ ఎదుట కాంగ్రెస్ ఆందోళన..

సీఈసీ జ్ఞానేష్ కుమార్ దిష్టిబొమ్మ దగ్ధం

సూర్య రాజన్న సిరిసిల్ల:ఏఐసీసీ పిలుపు,టీపీసీసీ ఆదేశాల మేరకు సోమవారం రోజున సిరిసిల్ల జిల్లా కలెక్టర్ కార్యాలయం ఎదుట జిల్లా కాంగ్రెస్ కమిటీ ఆధ్వర్యంలో నిరసన కార్యక్రమం నిర్వహించారు. ఓట్ల చోరీ వ్యవహారంలో కేంద్ర ఎన్నికల ప్రధాన కమిషనర్ జ్ఞానేష్ కుమార్ తీసుకున్న వ్యవస్థ వ్యతిరేక నిర్ణయాలను నిరసిస్తూ కాంగ్రెస్ శ్రేణులు పెద్ద ఎత్తున ఆందోళన చేపట్టారు.సీఈసీ తక్షణమే రాజీనామా చేయాలని డిమాండ్ చేశారు. అనంతరం కలెక్టరేట్ ఎదుట సీఈసీ జ్ఞానేష్ కుమార్ దిష్టిబొమ్మను దగ్ధం చేసి తమ నిరసనను తెలియజేశారు.నిరసన కార్యక్రమంలో కాంగ్రెస్ జిల్లా అధ్యక్షులు సంగీతం శ్రీనివాస్ మాట్లాడుతూ ప్రజాస్వామ్యాన్ని కాపాడాల్సిన ఎన్నికల సంఘమే ప్రజాస్వామ్య విలువలకు విరుద్ధంగా వ్యవహరిస్తోందని వారు ఆరోపించారు.ఈ కార్యక్రమంలో జిల్లా,పట్టణ,మండల కాంగ్రెస్ నాయకులు,కార్యకర్తలు పెద్ద సంఖ్యలో పాల్గొన్నారు.