నారాయణపేట మున్సిపాలిటీలో వరి కొనుగోలు కేంద్రం ప్రారంభం

నారాయణపేట, సూర్య న్యూస్: నారాయణపేట పట్టణంలోని మున్సిపల్ కార్యాలయంలో రైతుల సౌకర్యార్థం వరి కొనుగోలు కేంద్రాన్ని ఏర్పాటు చేశారు. మెప్మా వారి ఆధ్వర్యంలో  పట్టణ మహిళా సమాఖ్య ద్వారా ఈ వరి కొనుగోలు కేంద్రం నడుస్తుంది. గురువారం నారాయణపేట మున్సిపల్ వైస్ చైర్మన్ మంజుల ముఖ్య అతిథిగా హాజరై కేంద్రాన్ని ప్రారంభించారు. ఈ సందర్భంగా ఆమె మాట్లాడుతూ.. రైతులకు ఇబ్బంది లేకుండా వరి ధాన్యం కొనుగోలు చేయాలని చెప్పారు. కనీస వసతి సౌకర్యాలు ఏర్పాటు చేయాలన్నారు. ఈ కార్యక్రమంలో మార్కెట్ కార్యదర్శి లక్ష్మణ్,  మార్కెట్ సూపర్ వైజర్  భారతి, జిల్లా మెప్మా డిఎంసి శివకుమార్, ఎమ్మెల్యే పిఏ మాధవరెడ్డి మహిళలు  పాల్గొన్నారు.

-- రాజేష్ కుమార్, సూర్య రిపోర్టర్ నారాయణపేట.