కుష్టు వ్యాధి నిర్ధారణకు ఈనెల 22 నుండి స్పెషల్ డ్రైవ్ - మండల వైద్యాధికారి

సూర్య- బిక్కనూర్ : కుష్టు వ్యాధి నిర్ధారణకు ఈనెల 22వ తేదీ నుండి నవంబర్ 4వ తేదీ వరకు ఇంటింటి సర్వే నిర్వహించడం జరుగుతుందని, మండల వైద్యాధికారి హెమీమా చెప్పారు. శనివారం మండల కేంద్రంలోని స్థానిక ప్రభుత్వ ఆసుపత్రిలో ఆరోగ్య సిబ్బందికి, ఆశా కార్యకర్తలకు కుష్టు వ్యాధి నిర్ధారణ సర్వేపై శిక్షణ కార్యక్రమాన్ని నిర్వహించారు. ప్రతిరోజు ఆయా గ్రామాల ఆశా కార్యకర్తలు 20 ఇండ్లను సందర్శించి వారికి ఏవైనా అనుమానిత మచ్చలు ఉన్నట్లయితే వారి వివరాలు సేకరించి ప్రభుత్వ ఆసుపత్రిలో అందించాలని సూచించారు. కుష్టు రహిత దేశంగా మార్చేందుకు కేంద్ర రాష్ట్ర ప్రభుత్వాలు చేపట్టిన కార్యక్రమాన్ని ఆరోగ్య సిబ్బంది ఆశా కార్యకర్తలు సమన్వయంతో విజయవంతంగా పూర్తి చేయాలని సూచించారు. ఈ కార్యక్రమంలో
పీహెచ్ఎన్ జానకి,సూపర్వైజర్ లు సువర్ణ,  రాజమణి, ఆరోగ్య కార్యకర్తలు, ఆశా కార్యకర్తలు ఉన్నారు