సూర్య జైనూర్: జైనూర్ మండల కేంద్రంలో కొమురం సూరు వర్ధంతి సందర్భంగా జెండా ఆవిష్కరణ కార్యక్రమం నిర్వహించేందుకు జెండా గద్దె నిర్మాణానికి స్థలం కేటాయించాలని కోరుతూ కొలాం సేవా సంఘం నాయకులు సోమవారం జైనూర్ తహసీల్దార్‌కు వినతిపత్రం సమర్పించారు.జైనూర్, సిర్పూర్‌ (యు), లింగాపూర్‌ మూడు మండలాలకు చెందిన కొలాం సేవా సంఘం నాయకులు ఈ వినతిపత్రాన్ని అందజేశారు. దసరా పండుగను పురస్కరించుకొని కొమురం సూరు జెండా ఆవిష్కరణ కార్యక్రమం నిర్వహించేందుకు అనువైన స్థలాన్ని కేటాయించాలని తహసీల్దార్‌ను కోరారు.వినతిపత్రం సమర్పించే ముందు కొలాం సేవా సంఘం నూతన కమిటీ సభ్యులు కొమురం సూరు చిత్రపటానికి పూలమాల వేసి నివాళులర్పించారు. అనంతరం కొబ్బరికాయ కొట్టి కార్యక్రమాన్ని నిర్వహించారు.ఈ కార్యక్రమంలో మూడు మండలాల అధ్యక్షుడు ఆత్రం బాపూరావు, గౌరవ అధ్యక్షుడు ఆత్రం రాజు, ప్రధాన కార్యదర్శి ఆత్రం భీంరావు, ఉపాధ్యక్షుడు కొడప భీంరావు, సలహాదారు ఆత్రం భీంరావు, కార్యదర్శి కొడప రాజుతో పాటు సంఘం నాయకులు పాల్గొన్నారు.
