కొడంగల్‌లో వ్యవసాయ శాఖ పోస్టుల భర్తీ

ఏడాది పాటు ఓడీపై అధికారుల నియామకం

కొడంగల్, మేజర్ న్యూస్: కొడంగల్ నియోజకవర్గంలో వ్యవసాయ శాఖ ఖాళీల భర్తీకి ప్రభుత్వం ఉత్తర్వులు జారీ చేసింది. ఏడాది పాటు ఓడీ ప్రాతిపదికన అధికారులను నియమిస్తూ మెమో విడుదల చేసింది. కొడంగల్ ఏడీఏగా ఎం.జి. శ్రీనివాస్ ప్రసాద్, దుద్యాల వ్యవసాయ అధికారిగా సీహెచ్. వినోద్, దౌల్తాబాద్ వ్యవసాయ అధికారిగా జి. కృపాకర రెడ్డి, మద్దూరు వ్యవసాయ అధికారిగా ఎ. సక్లేష్‌ను నియమించారు. అలాగే కొస్గి ఏడీఏగా కె. నూతన్ కుమార్‌ను నియమించారు. తుంకిమెట్ల క్లస్టర్‌కు కె. భావనను వ్యవసాయ విస్తరణ అధికారిగా నియమించగా, ఇతర ఖాళీలను ఔట్‌సోర్సింగ్ సిబ్బందితో సర్దుబాటు చేయాలని ఆదేశించారు.

రిపోర్టర్:అబిద్, కొడంగల్, వికారాబాద్ జిల్లా.