telanagana
ముచ్చింతల్‌లో వైభవంగా 'సుందర విజయం' సమాప్తి... దివ్యసాకేత క్షేత్రంలో ప్రత్యేక పూజలు
రంగారెడ్డి జిల్లా ముచ్చింతల్‌లోని ప్రసిద్ధ దివ్యసాకేత క్షేత్రంలో 'సుందర విజయం' కార్యక్రమం అత్యంత వైభవంగా ముగిసింది. త్రిదండి చిన్న జీయర్ స్వామి మంగళశాసనాలతో ఈ వేడుకను అంగరంగ వైభవంగా నిర్వహించారు.
శ్రీరామచంద్రుని దివ్యచరిత్రను స్మరిస్తూ చేపట్టిన ఈ మహాక్రతువులో భాగంగా 108 అమావాస్యల సుందరకాండ పారాయణాన్ని అత్యంత నిష్టాభీక్షలతో పూర్తి చేశారు. ఈ సందర్భంగా దివ్యసాకేత క్షేత్రంలో ప్రత్యేక పూజలు, హోమాలు నిర్వహించగా, భక్తులు పెద్ద సంఖ్యలో పాల్గొని స్వామివారి కృపకు పాత్రులయ్యారు. లోకకల్యాణాన్ని కాంక్షిస్తూ చేపట్టిన ఈ కార్యక్రమం ఆధ్యాత్మిక శోభతో విలసిల్లింది.
