పనామాలో భారీ భూకంపం బీభత్సం.. రిక్టర్ స్కేల్‌పై 7.7 తీవ్రత నమోదు!
మధ్య అమెరికా దేశమైన పనామాను శక్తివంతమైన భూకంపం వణிகించింది. శుక్రవారం దేశంలోని పలు ప్రాంతాల్లో భారీ భూకంపం సంభవించినట్లు యూఎస్ జియోలాజికల్ సర్వే (USGS) వెల్లడించింది. రిక్టర్ స్కేల్‌పై దీని తీవ్రత 7.7గా నమోదైంది. ప్రధాన భూకంపం తర్వాత దాదాపు అదే స్థాయిలో మరో 40కి పైగా వరుస ప్రకంపనలు (ఆఫ్టర్‌షాక్స్) రావడంతో ప్రజలు తీవ్ర భయాందోళనలకు గురయ్యారు.
రాజధాని పనామా సిటీతో పాటు పలు ప్రాంతాల్లో ఎత్తైన భవనాలు తీవ్రంగా కంపించడంతో ప్రజలు భయంతో రోడ్లపైకి పరుగులు తీశారు. ఈ భారీ భూకంపం కారణంగా కొన్ని చోట్ల పాత భవనాలు, గోడలు నేలమట్టమయ్యాయి. పలు ప్రాంతాల్లో రోడ్లు దెబ్బతిన్నాయి. ఇందుకు సంబంధించిన భయానక దృశ్యాలు అక్కడి సీసీ కెమెరాల్లో, సోషల్ మీడియాలో వైరల్‌గా మారాయి.
భూకంప తీవ్రత దృష్ట్యా అధికారులు హెచ్చరికలు జారీ చేయగా, అత్యవసర సేవల సిబ్బందిని అప్రమత్తం చేశారు. అయితే కీలకమైన పనామా కాలువ కార్యకలాపాలకు ఎటువంటి అంతరాయం కలగలేదని అధికారులు స్పష్టం చేశారు. ప్రాణనష్టానికి సంబంధించి పూర్తి వివరాలు తెలియాల్సి ఉంది.
