ఖలీల్ బేగ్ కుటుంబాన్ని పరామర్శించిన ఎమ్మెల్సీ దండే విఠల్

 సూర్య, పెంచికల్‌పేట్: మండల కాంగ్రెస్ నాయకుడు అహ్మద్ ఖలీల్ బేగ్ మాతృమూర్తి అనారోగ్యంతో మృతిచెందిన విషయం తెలుసుకున్న ఉమ్మడి ఆదిలాబాద్ జిల్లా ఎమ్మెల్సీ దండే విఠల్, ఖలీల్ బేగ్ నివాసానికి వెళ్లి కుటుంబ సభ్యులను పరామర్శించారు. మృతురాలి చిత్రపటానికి పూలమాల వేసి నివాళులర్పించి, ఆత్మకు శాంతి చేకూరాలని ప్రార్థించారు.అనంతరం ఖలీల్ బేగ్ కుటుంబ సభ్యులను ఓదార్చి ధైర్యం చెప్పారు. కుటుంబానికి పార్టీ, వ్యక్తిగతంగా అండగా ఉంటామని భరోసా ఇచ్చారు.ఈ కార్యక్రమంలో మండల కాంగ్రెస్ అధ్యక్షుడు సముద్రాల రాజన్న, సర్పంచ్ షేక్ ఉస్మాన్, ఉప సర్పంచ్ శేఖర్, జిల్లా కాంగ్రెస్ కార్యదర్శి సిరిపురం సదాశివ్, నాయకులు రాచకొండ కృష్ణ, రమేష్, అత్తహ బేగ్, ఇలియాస్, సంతోష్ తదితరులు పాల్గొన్నారు.