ఖైరతాబాద్ ఉపఎన్నికపై బీజేపీ కసరత్తు ముమ్మరం
ముఖ్య నేతలతో చింతల రామచంద్రారెడ్డి లంచ్ మీట్.. హాజరైన కిషన్రెడ్డి
హైదరాబాద్ సూర్య ప్రతినిధి : ఖైరతాబాద్ ఉపఎన్నిక నేపథ్యంలో బీజేపీ కసరత్తును ముమ్మరం చేసింది. పార్టీ ముఖ్య నేతలతో మాజీ ఎమ్మెల్యే, బీజేపీ నేత చింతల రామచంద్రారెడ్డి లంచ్ మీట్ నిర్వహించారు. ఈ సమావేశానికి కేంద్ర మంత్రి, బీజేపీ తెలంగాణ నేత కిషన్రెడ్డి హాజరయ్యారు.
ఉపఎన్నికలో పార్టీ అనుసరించాల్సిన వ్యూహం, నియోజకవర్గంలోని రాజకీయ పరిస్థితులు, నేతల సమన్వయం తదితర అంశాలపై సమావేశంలో చర్చించినట్లు సమాచారం. క్షేత్రస్థాయిలో పార్టీని మరింత బలోపేతం చేయడంపై నేతలు దృష్టి సారించినట్లు తెలుస్తోంది.
ఇదిలా ఉండగా, రేపు సికింద్రాబాద్ పార్లమెంట్ పరిధిలోని ముఖ్య నేతలతో కిషన్రెడ్డి సమావేశం కానున్నారు. ఖైరతాబాద్ ఉపఎన్నికకు సంబంధించి పార్టీ శ్రేణులను సమన్వయం చేసుకునే దిశగా ఈ భేటీ జరగనున్నట్లు పార్టీ వర్గాలు తెలిపాయి.
