4(A) నేవల్ మెడికల్ యూనిట్ NCC వార్షిక తనిఖీ – ‘శిక్షణ’ బహుళ ప్రయోజన శిక్షణా మందిరం ప్రారంభం

.

సీతమ్మధార సెప్టెంబర్ 26  మేజర్ న్యూస్: 4(A) నేవల్ మెడికల్ యూనిట్ NCC ఆధ్వర్యంలో వార్షిక తనిఖీ  2026 కార్యక్రమం ఘనంగా నిర్వహించారు. క్రమశిక్షణ, నావికాదళ సంప్రదాయాలు, అంకితభావం, నాయకత్వ లక్షణాలు మరియు దేశసేవ పట్ల క్యాడెట్లలో నిబద్ధతను ప్రతిబింబించేలా ఈ కార్యక్రమం జరిగింది.ఈ కార్యక్రమానికి గ్రూప్ కమాండర్ కమోడోర్ సుమంత రాయ్ ముఖ్య అతిథిగా హాజరయ్యారు. డా. లంకపల్లి బుల్లయ్య కళాశాల కార్యదర్శి మరియు కరస్పాండెంట్ డా. జి. మధు కుమార్, యూనిట్ కమాండింగ్ ఆఫీసర్, అసోసియేట్ ఎన్సిసి అధికారులు, పర్మనెంట్ ఇన్‌స్ట్రక్షనల్ స్టాఫ్, అతిథులు  ఎన్సిసి క్యాడెట్లు కార్యక్రమంలో పాల్గొన్నారు.ఈ కార్యక్రమంలో ప్రధాన ఆకర్షణగా “శిక్షణ” పేరుతో ఏర్పాటు చేసిన బహుళ ప్రయోజన శిక్షణా మందిరాన్ని ప్రారంభించారు. క్యాడెట్లకు నైపుణ్యాభివృద్ధి, క్రమశిక్షణతో కూడిన శిక్షణ, బృందస్ఫూర్తి  నాయకత్వ లక్షణాలను పెంపొందించేందుకు ఈ శిక్షణా మందిరం ఉపయోగపడనుంది.
వార్షిక తనిఖీలో భాగంగా 4(A) నేవల్ మెడికల్ యూనిట్ ఎన్సిసి క్యాడెట్లు తమ క్రమశిక్షణ, నావికాదళ శైలి, అంకితభావం మరియు బృందస్ఫూర్తిని ప్రదర్శించారు. దేశానికి బాధ్యతాయుతమైన, క్రమశిక్షణ కలిగిన  సేవాభావం ఉన్న యువతను తీర్చిదిద్దడంలో ఎన్సిసి అందిస్తున్న సేవలను ఈ కార్యక్రమం ప్రతిబింబించింది.
ఈ సందర్భంగా నిర్వాహకులు సమీక్షా అధికారులు, కళాశాల యాజమాన్యం, శిక్షకులు  మార్గదర్శకులకు కృతజ్ఞతలు తెలిపారు.  నిరంతర మార్గదర్శకత్వం, ప్రోత్సాహం క్యాడెట్లకు ఎంతో ఉపయోగకరంగా ఉంటుందని పేర్కొన్నారు.దేశసేవ, క్రమశిక్షణ మరియు నాయకత్వ విలువలను మరింత బలోపేతం చేసుకుంటూ ముందుకు సాగాలని క్యాడెట్లు ప్రతిజ్ఞ చేశారు.